Մարմնամարզիկներ Արթուր Դավթյանը և Վիգեն Խաչատրյանը Վորոնինի մրցաշարի բրոնզե մեդալակիրներ են 

ԵՐԵՎԱՆ, 20 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի մարմնամարզության հավաքականի անդամներ Արթուր Դավթյանը և Վիգեն Խաչատրյանը հաջող են հանդես եկել Օլիմպիական խաղերի չեմպիոն Միխայիլ Վորոնինի անվան մրցաշարում:

«Արմենպրես»-ի հաղորդմամբ` Արթուր Դավթյանը և Վիգեն Խաչատրյանը 161,55 միավորով թիմային պայքարում զբաղեցրել են երրորդ տեղը՝ արժանանալով բրոնզե մեդալների:

Դավթյանը հանդես է եկել նաև բազմամարտի մրցաշարում, որտեղ նույնպես դարձել է բրոնզե մեդալակիր:

Օլիմպիական խաղերի չեմպիոն Միխայիլ Վորոնինի մրցաշարին մասնակցում էին 164 մարզիկներ: