Պուտին-Թրամփ հանդիպումը շարունակվում է մեկ ժամից ավելի
19:31, 7 Հուլիս 2017
ԵՐԵՎԱՆ, 7 ՀՈՒԼԻՍԻ, ԱՐՄԵՆՊՐԵՍ: Ռուսաստանի և ԱՄՆ նախագահներ Վլադիմիր Պուտինի ու Դոնալդ Թրամփի առաջին հանդիպումը, որն ընթանում է Համբորգում G20-ի գագաթնաժողովի շրջանակում, շարունակվում է արդեն ավելի քան մեկ ժամ: Ինչպես հաղորդում է «Արմենպրես»-ը, վկայակոչելով «Ռիա-նովոստի»-ն, բանակցությունները մեկնարկել են Երևանի ժամանակով 18.09-ից:
Հանդիպումը սկսվել է երկու առաջնորդների ձեռքսեղմումով: Նրանք երկուսն էլ ընդգծել են, որ ուրախ են ծանոթանալ և այս հանդիպումից ակնկալում են արդյունավետություն:
Բաժանորդագրվեք մեր ալիքին Telegram-ում