ԵԱՏՄ շրջանակներում անդամ երկրների մարզիկներն այլևս չեն համարվի լեգեոներներ
1 րոպեի ընթերցում
![ԵԱՏՄ շրջանակներում անդամ երկրների մարզիկներն այլևս չեն համարվի լեգեոներներ](http://armenpress.am/resized/480/static/news/b/2017/05/890297.jpg)
ԵՐԵՎԱՆ, 11 ՄԱՅԻՍԻ, ԱՐՄԵՆՊՐԵՍ: Եվրասիական տնտեսական միության կոլեգիայի հերթական նիստի որոշման համաձայն` ԵԱՏՄ շրջանակում անդամ երկրների մարզիկները այլևս լեգեոներ չեն համարվի:
Այս մասին «Արմենպրես»-ին տեղեկացրին ԵԱՏՄ կոլեգիայի մամուլի ծառայությունից: Մինչ այս միության երկրներում գործում է արտերկրից հրավիրված մարզիկների սահմանափակում: Լեգեոներների սահմանափակում գործում է նաև եվրոպական մի շարք երկրներում: «ԵԱՏՄ կոլեգիայի նիստն այսօր ընդունեց ծանրակշիռ որոշում` հանելով լեգեոներների վերաբերյալ սահմանափակումը, որը խոչընդոտում էր մեր երկրների մարզիկներին»,- ասել է ԵՏՀ նախարարների կոլեգիայի անդամ Կարինե Մինասյանը:
Կանոնադրության համաձայն` ֆուտբոլի Հայաստանի առաջնության առաջին խմբում հանդես եկող ակումբում միաժամանակ խաղադաշտում գտնվելու և մասնակցության իրավունք ունեին միայն երկու օտարերկրացի ֆուտբոլիստ: