Սպորտ

«Օլիմպիականները. Փարիզ-2024». Հիմա ինձ առավել մոտ եմ զգում օլիմպիական ոսկուն. Արթուր Դավթյան

6 րոպեի ընթերցում

«Օլիմպիականները. Փարիզ-2024». Հիմա ինձ առավել մոտ եմ զգում օլիմպիական ոսկուն. Արթուր Դավթյան

ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: Հայկական մարմնամարզության դպրոցը վերջին տարիներին այլ մակարդակի է բարձրացրել մարզաձևի նկատմամբ հետաքրքրությունը, հարգանքն ու սպասելիքները մարզիկներից: 

«Արմենպրես»-ի նախաօլիմպիական` «Օլիմպիականները. Փարիզ-2024» հատուկ նախագծի հերթական հերոսը մարմնամարզիկ Արթուր Դավթյանն է, ով Փարիզում կմասնակցի իր 4-րդ Օլիմպիական խաղերին, ինչը բացառիկ երևույթ է համաշխարհային սպորտում:  

2024.05.18_13.39.12.52.JPG

Արթուր Դավթյան

Մարմնամարզիկ (հենացատկ)

31 տարեկան

Օլիմպիական խաղերի բրոնզե մեդալակիր 

Աշխարհի առաջնության ոսկե մեդալակիր

Եվրոպայի առաջնության կրկնակի ոսկե, եռակի արծաթե, կրկնակի բրոնզե մեդալակիր

Եվրոպական խաղերի հաղթող

Փարիզ-2024-ը չորրորդ Օլիմպիական խաղերն են

Մրցումային օրերը` հուլիսի 27, օգոստոսի 4

-Արթուր, եկեք սկսենք ամենասկզբից: Ե՞րբ և ինչպե՞ս սկսեցիք հետաքրքրվել մարմնամարզությամբ: 

-Մարմնամարզությամբ սկսել եմ հետաքրքրվել 5 տարեկանից, բայց ոչ իմ ցանկությամբ․ Ծնողներս էին որոշել ինձ բերել մարմնամարզության: Եվ առաջին իսկ մարզումներս եղել են Ալբերտ Ազարյանի անվան մարզադպրոցում` ընկեր Հակոբի մոտ (հեղ. Հակոբ Սերոբյանը Հայաստանի մարմնամարզության հավաքականի գլխավոր մարզիչն է): Իսկ 16 տարեկանում, երբ նորից Ռուսաստանից վերադարձանք Հայաստան, կրկին սկսեցի այստեղ մարզվել: 

-Ինչպե՞ս եք հիշում առաջին մարզումները: 

-Եթե անկեղծ՝ այդքան լավ էլ չեմ հիշում, սակայն հիշում եմ, որ լաց էի լինում և մեծ ցանկություն էլ չունեի մարզվելու: Բայց մարզումների ընթացքում հստակ դարձավ, որ տվյալներ ունեմ, և ծնողներս էլ հետևողական էին` ստիպում էին մարզվել: 

-Ինչպե՞ս եք նախապատրաստվում Օլիմպիական խաղերին:

-Մինչև Օլիմպիական խաղերի մեկնարկը մենք կմեկնենք Ֆրանսիա, որտեղ էլ կսկսենք վերջնական նախապատրաստական փուլը: Մարզվելու ենք ոչ թե Փարիզում, այլ Փարիզից մոտ մեկ ժամ հեռավորության վրա գտնվող քաղաքում: Ամենակարևորն այն է, որ գործիքներն այն նույն գործիքներն են, որոնք լինելու ենք Օլիմպիական խաղերին: Եթե անկեղծ՝ որքան մրցաշարի Ֆրանսիայում մասնակցել եմ, ամեն ինչ հրաշալի է եղել: Նախ մթնոլորտն է լավը, հետո երկրպագուներն են այլ: Եվ, վերջիվերջո, Ֆրանսիան մեզ բարեկամ երկիր է: 

-Բացառիկ երևույթ է համաշխարհային սպորտում, որ մարզիկը կարողանում է մասնակցել 4 Օլիմպիական խաղերի: Փարիզ-2024-ը ձեր 4-րդ խաղերն են: Հիմա, հետ նայելիս, ինչպե՞ս եք հիշում առաջին խաղերը` Լոնդոն-2012-ը և ի՞նչ եք սպասում Փարիզ-2024-ից: 

-Գիտեք, Լոնդոնի խաղերում փորձս այսքան մեծ չէր։ Բացի այդ, այն տարիներին հենացատկի վարժությունն այդքան բարդ չէր, որքան հիմա է: Այն ժամանակ հնարավորությունները քիչ էին կամ, գուցե, առհասարակ չկային: Բայց հիմա հսկայական փորձ ունեմ: Եվ վարժությանս բարդությունն ամբողջապես թույլ է տալիս պայքարել ամենաբարձր մեդալի համար: 

-Տոկիոյի Օլիմպիական խաղերում պարգևատրությունից հետո մեզ հետ  զրույցում ասացիք, որ բրոնզե մեդալ եք նվաճել, բայց այն ոսկու արժեք ունի: Ի՞նչն է փոխվել հիմա, ի՞նչ խորհրդով եք մոտենում այս խաղերին:

-Այո, Տոկիոյում նվաճած բրոնզե մեդալն այդ պահի համար ոսկու արժեք ուներ: Անկախ Հայաստանի պատմության մեջ դա մարմնամարզությունից առաջին մեդալն էր Օլիմպիական խաղերում: Ոսկու արժեք ունի, քանի որ մեր պայմաններն այնպիսին չեն, ինչպիսին միջազգային չափանիշներն են: Բայց հիմա այդ բրոնզե մեդալն այդքան հնչեղ չի լինի: Հիմա ինձ առավել մոտ եմ զգում օլիմպիական ոսկուն: Մրցակիցներս հիմա առավել ուժեղ են, բայց նաև ծանոթ են: Իսկ իմ երկու ցատկերին էլ հրաշալի եմ տիրապետում: Բայց պետք է սպասենք ու տեսնենք` ինչ կլինի:

-Արթուր, Փարիզի Օլիմպիական խաղերը Ձեր վերջին Խաղերը կլինե՞ն:

-Կարծում եմ, դեռևս ոչ: Բայց մեր դեպքում շատ կարևոր է, որ վնասվածք չունենամ: Եթե ամեն ինչ լավ լինի, գուցե, հաջորդ` Լոս Անջելեսի խաղերին էլ մասնակցեմ: Բայց ինձ համար ամենակարևորն այս Օլիմպիական խաղերն են:  

-Ո՞րն է մարմնամարզության գեղեցկությունը, որը դուք` մարզիկներդ, տեսնում եք, սակայն մեզ համար այն անտեսանելի է: 

-Մեր մարզաձևն իսկապես բարդերից է: Մոտ 10 տարի է պետք, որպեսզի կարողանանք միջազգային մրցաշարերի մասնակցել: Երեխաները սկսում են մարզումները 5 տարեկանից․ ինչո՞ւ այդքան շուտ, քանի որ ամեն մի գործիքի վրա հազարավոր էլեմենտներ կան: Միայն տարիներ ընթացքում ես այդ ամբողջ բազան յուրացնում: Մարմնամարզությունը կարող է այլ մարզաձևերի համար հիմք լինել, հակառակը, սակայն, չի լինում: 

-Ինչպե՞ս կուզեիք, որ հիշեն Ձեզ՝ մարզաձևից հեռանալիս:

-Գիտեք, չեմ կարող ասել: Կուզենայի հեռանալ սպորտից հաղթողի կարգավիճակում, բայց սպորտը «թմրանյութի» պես բան է: Չեմ պատկերացնում, թե ինչպես եմ մի օր հեռանալու:  

-Եվ վերջում. խնդրում եմ ավարտեք նախադասությունը: Փարիզի Օլիմպիական խաղերն ինձ համար կլինեն… 

-Շատ լավը:

«Օլիմպիականները. Փարիզ-2024» նախագծի հեղինակ` Վարվառա Հայրապետյան

Լուսանկարները` Հայկ Մանուկյանի

Մատենադարանում մեկնարկել է Հայագիտական միջազգային կոնգրեսը

Գիտություն

Մատենադարանում մեկնարկել է Հայագիտական միջազգային կոնգրեսը

Հունաստանում ՀՀ դեսպանը Սևծովյան առևտրի և զարգացման բանկի գլխավոր քարտուղարին է ներկայացրել ՀՀ-ում արձանագրված տնտեսական աճի միտումները

Տնտեսություն

Հունաստանում ՀՀ դեսպանը Սևծովյան առևտրի և զարգացման բանկի գլխավոր քարտուղարին է ներկայացրել ՀՀ-ում արձանագրված տնտեսական աճի միտումները

41-ամյա տղամարդը Երևանի բնակչուհուն մեկ տարի ենթարկել է սեռական շահագործման. ՔԿ-ն մանրամասներ է հայտնում

Իրավունք

41-ամյա տղամարդը Երևանի բնակչուհուն մեկ տարի ենթարկել է սեռական շահագործման. ՔԿ-ն մանրամասներ է հայտնում

Կոտայքի մարզում կործանված ինքնաթիռը ուսումնամարզական է․ ՊՆ

Ռազմական

Կոտայքի մարզում կործանված ինքնաթիռը ուսումնամարզական է․ ՊՆ

Աշխարհահռչակ երաժիշտների կարծիքով սյունեցի պատանի երաժիշտների ջազային նվագախումբը մշակութային կյանքում մեծ ապագա ունի

Մշակույթ

Աշխարհահռչակ երաժիշտների կարծիքով սյունեցի պատանի երաժիշտների ջազային նվագախումբը մշակութային կյանքում մեծ ապագա ունի

Կոտայքի մարզում ինքնաթիռ է կործանվել. նախնական տվյալներով կա 2 զոհ

Հայաստան

Կոտայքի մարզում ինքնաթիռ է կործանվել. նախնական տվյալներով կա 2 զոհ

Քանի որ շատ կապանցիներ հնարավորություն չունեն գնալ Լոնդոն, Բեռլին կամ Նյու Յորք, ուստի մենք աշխարհն ենք բերում Կապան. Սևակ Ավանեսյան

Մշակույթ

Քանի որ շատ կապանցիներ հնարավորություն չունեն գնալ Լոնդոն, Բեռլին կամ Նյու Յորք, ուստի մենք աշխարհն ենք բերում Կապան. Սևակ Ավանեսյան

Կապանում մշակութային եռուզեռ էր. անցկացվեց ավանդական դարձած երաժշտական միջազգային մեծ փառատոնը

Մշակույթ

Կապանում մշակութային եռուզեռ էր. անցկացվեց ավանդական դարձած երաժշտական միջազգային մեծ փառատոնը

«Օլիմպիականները. Փարիզ-2024». իմ առաջ դրել եմ մեկ խնդիր` դառնալ չեմպիոն. Վազգեն Թևանյան

Սպորտ

«Օլիմպիականները. Փարիզ-2024». իմ առաջ դրել եմ մեկ խնդիր` դառնալ չեմպիոն. Վազգեն Թևանյան

«Երևանյան բեսթսելեր». «Մարդասպանի աչքերով»-ն՝ առաջատար. թարգմանական. հունիս, 2024

Հատուկ նախագծեր

«Երևանյան բեսթսելեր». «Մարդասպանի աչքերով»-ն՝ առաջատար. թարգմանական. հունիս, 2024

Հայաստանի վարչապետն ու Գերմանիայի կանցլերը կարևորել են երկու երկրների միջև քաղաքական համագործակցության զարգացումը

Արտաքին քաղաքականություն

Հայաստանի վարչապետն ու Գերմանիայի կանցլերը կարևորել են երկու երկրների միջև քաղաքական համագործակցության զարգացումը

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում