Եվրո-2024. Ռումինիան երեք գնդակ ուղարկեց Ուկրաինայի դարպասը
1 րոպեի ընթերցում
![Եվրո-2024. Ռումինիան երեք գնդակ ուղարկեց Ուկրաինայի դարպասը](http://armenpress.am/resized/480/storage/images/articles/2024/06/17/kQ5sDYmbrYgVFiSFoDhyXJtjuPcIi8tPzWmS861D.webp)
ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: Ֆուտբոլի Եվրոպայի առաջնության E խմբի անդրանիկ տուրում Ռումինիան մրցեց Ուկրաինայի հետ:
«Արմենպրես»-ի հաղորդմամբ` Մյունխենում կայացած խաղի մեկնարկում երկու հավաքականները պահեր ունեին, սակայն առաջինը իր պահն օգտագործեց Ռումինիան: Խաղի 29-րդ րոպեին հանդիպման հաշիվը բացեց Ստանչիուն:
Ուկրաինային այդպես էլ չհաջողվեց վերականգնել հաշվի տարբերությունը առաջին կեսում:
Երկրորդ կեսի մեկնարկային րոպեներին ռումինացիները կրկին տարածքային առավելություն ունեին: Նրանք 53-րդ և 57-րդ րոպեներին երկու գնդակ ուղարկեցին Ուկրաինային դարպասը: Գոլերն իրենց ակտիվում գրանցեցին Մարին և Դրագուշը:
Ռումինիա-Ուկրաինա` 3:0:
Երկրորդ տուրի շրջանակներում Ուկրաինան հունիսի 19-ին կխաղա Սլովակիայի, իսկ Ռումինիան հունիսի 20-ին` Բելգիայի հետ: