Եվրո-2024. Ֆրանսիան նվազագույն հաշվով հաղթեց Ավստրիային
1 րոպեի ընթերցում
![Եվրո-2024. Ֆրանսիան նվազագույն հաշվով հաղթեց Ավստրիային](http://armenpress.am/resized/480/storage/images/articles/2024/06/18/6IIbYEq1xFY0gkw9GOCgC2c2w6cmFdeFGqTUQzpO.webp)
ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: Ֆուտբոլի Եվրոպայի առաջնության D խմբի անդրանիկ տուրում Ֆրանսիայի ընտրանին ուժերը չափեց Ավստրիայի հետ:
«Արմենպրես»-ի հաղորդմամբ` Դյուսելդորֆում կայացած խաղի մեկնարկային րոպեներին գրեթե հավասար պայքար էր ծավալվել: Ավստրիան գործում էր թիմային ոգով, իսկ Ֆրանսիան փորձում էր հաջողության հասնել ֆուտբոլիստների անհատական վարպետության շնորհիվ: Ֆրանսիան 38-րդ րոպեին առաջ անցավ հաշվի մեջ: Ավստրիայի կազմում ինքնագոլի հեղինակ դարձավ Վյուբերը: Երկրորդ կեսում Ֆրանսիայի ընտրանու գրոհները եզրափակում չէին ստանում: Ավստրիան վստահ էր գործում պաշտպանությունում:
Ֆրանսիա-Ավստրիա`1:0:
Երկրորդ տուրում Ֆրանսիան կխաղա Նիդերլանդների (հունիսի 21), իսկ Ավստրիան` Լեհաստանի հետ: