ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ:Հայ-ինդոնեզական տնտեսական կապերն առավել ծավալելու և զարգացնելու ակնկալությամբ փետրվարի 13-ին ՀՀ առևտրաարդյունաբերական պալատ է այցելել Հայաստանում Ինդոնեզիայի Հանրապետության արտակարգ և լիազոր դեսպան Նինիեկ Նարյաթիեն։
Ինչպես «Արմենպրես»-ին տեղեկացրինՀՀ ԱԱՊ լրատվական ծառայությունից,ՀՀ առևտրաարդյունաբերական պալատի նախագահ, ԱԺ պատգամավոր Մարտին Սարգսյանի բնորոշմամբ՝ երկու երկրների առևտրատնտեսական շրջանառությունը թեև գոհացնող չէ, բայց կան այն ակտիվացնելուլուրջ ռեսուրսներ։
Երկուստեք նշվել է, որ անհրաժեշտ է նախ պարզեցնելփոխայցելությունների վիզային կարգը առավել և ստեղծել տեղեկատվական լուրջ բազա` գործարար կապեր հաստատելու համար։ Դեսպանն առաջարկել է Հայաստանում այս տարի կազմակերպել ինդոնեզական ապրանքների ցուցահանդես, որը փոխվստահության երաշխիք կդառնա։
Պալատի ղեկավարությունը վստահեցրել է, որ պատրաստակամ է զորակցել ինդոնեզական ցանկացած գործարար ձեռնարկման։