Գյումրիում կտեղադրվեն Ջուղայի խաչքարերի կրկնօրինակները
ԳՅՈՒՄՐԻ, 11 ՀՈԿՏԵՄԲԵՐԻ, ԱՐՄԵՆՊՐԵՍ: Գյումրիի քաղաքապետ Վարդան Ղուկասյանի նախաձեռնությամբ քաղաքում կտեղադրվեն Ջուղայի խաչքարերի կրկնօրինակները: Աշխատանքերն արդեն ընթացքի մեջ են. խաչքարերը կպատրաստեն գյումրեցի քանդակագործները:
Նշենք, որ խաչքարերը կտեղադրվեն Գյումրիի Ամենափրկիչ եկեղեցու հետնամասում՝ Շահումյան 188 շենքի բակում: Տարածքը հետագայում կոչվելու է «Խաչքարերի պուրակ»: Կրկնօրինակված խաչքարերը չեն տարբերվելու բնօրինակներից՝ ունենալու են նույն տեսքը եւ պատրաստված են լինելու քարի նույն տեսակից ու չափագրությամբ: «Վարպետները դրանք պատրաստելու են ամենայն ճշգրտությամբ: Գործընթացը շարունակական է լինելու»,- «Արմենպրես»-ին տեղեկացրեց քաղաքապետը: Նախատեսված է առաջիկայում` մինչեւ Գյումրիի օրը, քանդակել եւ տեղադրել քսան խաչքար, մյուսները պատրաստ կլինեն ավելի ուշ:
Բաժանորդագրվեք մեր ալիքին Telegram-ում