388.16
Գազալցակայանի պայթյունի վայր է մեկնել 8 մարտական հաշվարկ
1 րոպեի ընթերցում
ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ։ Երևան-Սևան ճանապարհի գազալցականներից մեկի պայթյունի վայր է ժամանել ՀՀ ներքին գործերի փրկարար ծառայության 8 մարտական հաշվարկ։
«Արմենպրես»-ի փոխանցմամբ՝ այս մասին հաղորդագրություն է տարածել ՀՀ ՆԳՆ փրկարար ծառայությունը։
«Հունիսի 6-ին, ժամը 23:14-ին Ճգնաժամային կառավարման ազգային կենտրոն ահազանգ է ստացվել, որ Երևան-Սևան ավտոճանապարհին՝ գազալցակայանում, տեղի է ունեցել պայթյուն՝ հրդեհի բռնկմամբ։
Դեպքի վայր են մեկնել ՆԳՆ ՓԾ մարզային փրկարարական վարչության և Երևան քաղաքի փրկարարական վարչության հրշեջ-փրկարարական ջոկատներից ութ մարտական հաշվարկ»,- ասված է հաղորդագրության մեջ։
Փրկարար ծառայությունը նաև լուսանկարներ է հրապարակել դեպքի վայրից։
