«Երիտասարդ բժշկի գրառումները». Ռուսական թատրոնի նոր ներկայացումը նվիրված է Ալեքսանդր Գրիգորյանի հիշատակին

ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ։ Երևանի Կոնստանտին Ստանիսլավսկու անվան ռուսական դրամատիկական թատրոնում փետրվարի 24-ին կկայանա առաջնախաղ: Ինչպես «Արմենպրես»-ին հայտնում են թատրոնի մամուլի ծառայությունից, հանդիսատեսի դատին կհանձնվի «Երիտասարդ բժշկի գրառումները» տրագիկոմեդիան՝ ըստ Մ. Բուլգակովի պատմվածքների (բեմականացումը՝ Ն. Գրիգորյանի և Վ. Ժուրավլյովայի):

Ներկայացման բեմադրիչը Նորա Գրիգորյանն է: Ներկայացումը նվիրված է ՀՀ ժողովրդական արտիստ Ալեքսանդր Գրիգորյանի հիշատակին:

Ներկայացման դերակատարներն են Վլադիմիր Օհանյանը, Արմեն Արնաուտովը, Լիլիա Մուկուչյանը, Աննա Մանուչարյանը, Սերգեյ Գրիգորյանը, Հայարփի Զուռնաչյանը, Յուրի Սոշնիկովը, Գրիգոր Խոջայանը, Ալեքսանդր Հայրապետովը։

Ներկայացման բեմանկարիչը Տիգրան Հարությունյանն է:

Զգեստները՝ Լուսինե Կարապետյանի, խորեոգրաֆիան` Արա Ասատուրյանի, երաժշտական ձևավորումը՝ Նորա Գրիգորյանի:

Ներկայացումը նախատեսված է 16+ անձանց համար: