Մարմնամարզության ընտրանու 3 անդամ աշխարհի գավաթի եզրափակիչում է
1 րոպեի ընթերցում
![Մարմնամարզության ընտրանու 3 անդամ աշխարհի գավաթի եզրափակիչում է](http://armenpress.am/resized/480/static/news/b/2024/02/1130940.jpg)
ԵՐԵՎԱՆ, 23 ՓԵՏՐՎԱՐԻ ԱՐՄԵՆՊՐԵՍ: Հայաստանի մարմնամարզության հավաքականի անդամները հաջող են մեկնարկել աշխարհի գավաթի խաղարկության երկրորդ փուլում: «Արմենպրես»-ի հաղորդմամբ՝ Գերմանիայի Կոտբուս քաղաքում ընթացող աշխարհի գավաթի նժույգ-թափերի վարժության որակավորման փուլի արգելքը հաղթահարեց Գագիկ Խաչիկյանը: Եզրափակիչ են դուրս եկել նաև (օղակներից) Արթուր Ավետիսյանը և Վահագն Դավթյանը:
Օրեր առաջ Եգիպտոսի մայրաքաղաք Կահիրեում կայացած աշխարհի գավաթի խաղարկության առաջին փուլում ոսկե մեդալակիր էր դարձել Արթուր Դավթյանը (հենացատկ) և արծաթե մեդալ էր նվաճել Վահագն Դավթյանը:
Աշխարհի գավաթի խաղարկության փուլերը վարկանիշային են Փարիզի 33-րդ ամառային Օլիմպիական խաղերի համար: