Երևանում՝ 11:07,   24 Փետրվար 2024

Իրանի նախագահը հայտարարել է մեկ տարում օտարերկրացի զբոսաշրջիկների թվի 50 % աճի մասին

Իրանի նախագահը հայտարարել է մեկ տարում օտարերկրացի զբոսաշրջիկների 
թվի 50 % աճի մասին

ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ:  Իրան այցելած օտարերկրացի զբոսաշրջիկների թիվը 2023 թվականի մարտից մինչև 2024 թվականի փետրվարը նախորդ նույն ժամանակահատվածի համեմատությամբ աճել է 50 %-ով։ Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին հայտարարել է Իրանի նախագահ Էբրահիմ Ռայիսին Զբոսաշրջության ոլորտի 17-րդ միջազգային ցուցահանդեսի բացման արարողությանը։

«Այս տարի մենք տեսանք, որ երկիր այցելած զբոսաշրջիկների թիվն ավելացել է 50 %-ով: Երկիրը լրացրել է համավարակի ավարտից հետո (զբոսաշրջության ոլորտում) առաջացած պակասը և ստեղծել է անհրաժեշտ պայմաններ զբոսաշրջիկների համար», - մեջբերել է նրա խոսքը ISNA-ն։

Ռայիսին հավելել է, որ Իրանի Իսլամական Հանրապետությունն «ունի մեծ մշակութային ժառանգություն և հիանալի բնություն», ինչը վիթխարի ներուժ է այս ոլորտի զարգացման համար։

Նախագահի խոսքով՝ կառավարությունը հավանություն է տվել 20 որոշումների՝ խթանելու զբոսաշրջության ոլորտի աշխատողներին։ Բացի այդ, Ռայիսին ընդգծել է, որ «բժշկական զբոսաշրջության ոլորտում շատերը նախընտրում են ավելի շատ Իրանը, քան Եվրոպան, քանի որ այստեղ բուժումը համարում են ավելի էժան և արդյունավետ»։ Ըստ Իրանի նախագահի՝ երկրի շուրջ 277 բժշկական կենտրոններ պատրաստ են ընդունելու առողջական նպատակով ճանապարհորդող օտարերկրյա քաղաքացիներին։

Փետրվարի 4-ին Իրանը միակողմանիորեն չեղարկել է վիզային ռեժիմը 28 երկրների, այդ թվում՝ Բելառուսի, Կատարի, Ղրղզստանի, Մեքսիկայի, Արաբական Միացյալ Էմիրությունների, Սաուդյան Արաբիայի, Սերբիայի, Ուզբեկստանի և Ճապոնիայի հետ:


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]