Միջազգային

Գործադուլներ Իսրայելում. ընդդիմության ղեկավարը Նեթանյահուին կոչ է արել չեղարկել պաշտպանության նախարարին հեռացնելու որոշումը

1 րոպեի ընթերցում

Գործադուլներ Իսրայելում. ընդդիմության ղեկավարը Նեթանյահուին կոչ է արել չեղարկել պաշտպանության նախարարին հեռացնելու որոշումը

ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Թել Ավիվի Բեն Գուրիոնի օդանավակայանից ոչ մի թիռչք չի իրականացվի այսօր Իսրայելի արհմիությունների հայտարարած գործադուլի պատճառով: Այս մասին հաղորդում է «Արմենպրես»-ը՝ վկայակոչելով Jerusalem Post պարբերականին:

Թռիչքները կվերսկսվեն միայն հատուկ ծանուցումից հետո: Իսկ ժամանող թռիչքների դեպքում վայրէջք կկատարեն միայն այն ինքնաթիռները, որոնք արդեն երկնքում են:

Գործադուլ են հայտարարել նաև համալսարանների, հիվանդանոցների և այլ ոլորտների աշխատակիցները:

Գործադուլները սկսվել են դատական բարեփոխումների օրինագծի, ինչպես նաև երկրի պաշտպանության նախարար Յոավ Գալանտին աշխատանքից հեռացնելու դեմ: Վերջինս կառավարությանը կոչ էր արել կասեցնել դատական բարեփոխումների նախագիծը:

Jerusalem Post-ը նաև նշում է, որ Իսրայելի ընդդիմության ղեկավար Յաիր Լապիդը վարչապետ Բենյամին Նեթանյահուին կոչ է արել հետ կանչել Յոավ Գալանտի պաշտոնանկության որոշումը՝ նշելով, որ այժմ պաշտպանության նախարարին փոխարինելու ժամանակը չէ:

Բողոքի ալիք բարձրացրած օրինագիծը նախատեսում է գերագույն դատարանի լիազորությունների սահմանափակում և դատավորների ընտրության վերահսկողության տրամադրում իշխանության գործադիր ճյուղին:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում