Թուրքիայում աղետի գոտուց ավելի քան 11 հազար 100 տուժած Ստամբուլի հիվանդանոցներից դուրս է գրվել

ԵՐԵՎԱՆ, 23 ՓԵՏՐՎԱՐ, ԱՐՄԵՆՊՐԵՍ: Ստամբուլի հիվանդանոցներում շարունակում են բուժում ստանալ Թուրքիայում տեղի ունեցած ավերիչ երկրաշարժերից տուժած 1233 քաղաքացիներ:

«Արմենպրես»-ի հաղորդմամբ, այս մասին հայտնում է թուրքական «Անադոլու» գործակալությունը:

Ըստ աղբյուրի՝ վիրավորներին մեգապոլիս են տեղափոխել ինչպես սանիտարական ավիացիան, այնպես էլ Թուրքիայի ռազմատրանսպորտային ինքնաթիռները ։

Ստամբուլի հիվանդանոցներ է տեղափոխվել ընդհանուր առմամբ 12 374 քաղաքացի ։ Նրանցից 11 141 մարդ արդեն դուրս է գրվել հիվանդանոցներից, իսկ 1 233-ը շարունակում են բուժում ստանալ ։

Թուրքիայում երկու ավերիչ երկրաշարժերի հետևանքով զոհվածների թիվը գերազանցել է 43,5 հազարը:

Փետրվարի 6 - ին, երկու երկրաշարժ է տեղի ունեցել Քահրամանմարաշում 'ավելի քան 7 բալ ուժգնությամբ էպիկենտրոնով (տեղական ժամանակով 04.17 – ին' 7.7 բալ և 13.24-ին ' 7.6 բալ):

Թուրքիայի նախագահ Ռեջեփ Թայիփ Էրդողանը 7-օրյա համազգային սուգ է հայտարարել տարերային աղետի զոհերի հիշատակին։ Թուրքիայի պետական դրոշներն իջեցված են երկրի ողջ տարածքում։

Ավերիչ երկրաշարժը զգացվել է նաև հարևան երկրներում, այդ թվում ՝ Սիրիայում, Լիբանանում, հունական Կիպրոսում և Իրաքում ։