1000х90.jpg (78 KB)

Երևանում՝ 11:07,   29 Մարտ 2024

Տոկաևը ԵՄ-ին առաջարկել է ղազախական նավթ գնել

Տոկաևը ԵՄ-ին առաջարկել է ղազախական նավթ գնել

ԵՐԵՎԱՆ, 5 ՀՈՒԼԻՍԻ, ԱՐՄԵՆՊՐԵՍ: Ղազախստանը պատրաստ է օգտագործել իր ածխաջրածնային ներուժը համաշխարհային և եվրոպական շուկաներում իրավիճակը կայունացնելու համար։ «Արմենպրես»-ի հաղորդմամբ՝ այս ասին հայտարարել է Ղազախստանի նախագահ Կասիմ-Ժոմարտ Տոկաևը Եվրոպական խորհրդի նախագահ Շառլ Միշելի հետ հեռախոսազրույցի ժամանակ։ 

«Նախագահը նաև կոչ է արել Եվրամիությանը համագործակցել այլընտրանքային անդրմայրցամաքային միջանցքների, այդ թվում՝ Անդրկասպյան միջազգային տրանսպորտային երթուղու զարգացման գործում։ Կասիմ-Ժոմարտ Տոկաևը նաև մտահոգություն է հայտնել աշխարհում էներգետիկ անվտանգության սպառնալիքների վերաբերյալ։ Ղազախստանը, նրա խոսքով, պատրաստ է օգտագործել իր ածխաջրածնային ներուժը՝ համաշխարհային և եվրոպական շուկաներում իրավիճակը կայունացնելու համար»,- ասված է Ղազախստանի նախագահի մամուլի ծառայության տարածած հաղորդագրության մեջ։

Տոկաևը նաև հիշեցրել է Միշելին, որ Ղազախստանն առաջին երկիրն է Կենտրոնական Ասիայում, որը ստորագրել է Ընդլայնված գործընկերության և համագործակցության համաձայնագիրը Եվրամիության հետ, որը Ղազախստանի և ԵՄ-ի միջև հարաբերությունները «նոր մակարդակի է բերել»:

«Մեր երկիրը հավատարիմ է Ղազախստանի ամենամեծ առևտրային գործընկեր ԵՄ-ի հետ կայուն կապերի զարգացմանը»,- ասվում է հաղորդագրության մեջ։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]