ԱՆԻՖ-ը ներկայացուցչություն է բացել Աբու Դաբիում

ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: ԱՆԻՖ-ը (Հայաստանի պետական հետաքրքրությունների ֆոնդ) ներկայացուցչություն է բացել Աբու Դաբիում` ստանալով Abu Dhabi Global Market-ի կոմերցիոն սերտիֆիկատ։ «Արմենպրես»-ի փոխանցմամբ՝ այս մասին հայտնել է ԱՆԻՖ-ը:

«ԱՄԷ ընկերությունների հետ մեր համագործակցության արդյունքում արդեն իրականացվում է երկու խոշոր ներդրումային ծրագիր։ Այս քայլի շնորհիվ, վստահ ենք, բացվում են նոր մասշտաբային ծրագրերի նոր հնարավորություններ»,- նշված է հաղորդագրության մեջ:

ԱՄԷ ընկերությունների հետ իրականացված ծրագրերից մեկը «Մասդար» ընկերության հետ «Այգ֊1» ֆոտովոլտային կայանի կառուցումն է Արագածոտնի մարզում, մյուսը` «Էյր Արաբիա» ընկերության հետ «Ֆլայ Արնա» հայկական ազգային ավիաուղիների ստեղծումը: