398.88
ԱԱԾ-ն հիմնավոր չի համարում նոր պատերազմի վտանգի մասին տեղեկությունները
1 րոպեի ընթերցում
ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: Մոտ ժամանակներս նոր պատերազմի վտանգի վերաբերյալ տեղեկությունները խուճապային են և հիմնավոր չեն: Ինչպես տեղեկացնում է «Արմենպրես»-ը, լրագրողների հետ ճեպազրույցում այս մասին ասաց Ազգային անվտանգության տնօրենի տեղակալ Տիգրան Հարությունյանն՝ անդրադառնալով վերջին շրջանում համացանցում և լրատվամիջոցներում տարածվող՝ պատերազմի վերսկսման վտանգի մասին տեղեկություններին:
«Հիմնավոր չեն և խուճապ տարածող տեղեկություններ են, մենք այս պահին որևէ նման տեղեկություններ չունենք»,- ասաց Հարությունյանը:
ԱԱԾ տնօրենի տեղակալը նշեց, որ պատերազմը միշտ հնարավոր է, սակայն այս պահի դրությամբ չկան տեղեկություններ, որ մոտ ժամանակներս պատերազմ կսկսվի:
Բաժանորդագրվեք մեր ալիքին Telegram-ում