1000х90.jpg (78 KB)

Երևանում՝ 11:07,   29 Մարտ 2024

Ինչ բուժօգնություն ցուցաբերել տեղում. 50 անհետաձգելի վիճակի գործելակարգ ամփոփվել է նոր գրքում

Ինչ բուժօգնություն ցուցաբերել տեղում. 50 անհետաձգելի վիճակի գործելակարգ 
ամփոփվել է նոր գրքում

ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: Առաջին անգամ հայալեզու գրքում ամփոփվել է շուրջ 50 անհետաձգելի վիճակի գործելակարգ՝ նախահիվանդանոցային բուժօգնության համար, թե ինչպես ախտորոշել, ինչ բուժօգնություն ցուցաբերել տեղում, սանավիացիայի ուղղաթիռով տարհանելիս ինչպես շարունակել օգնությունն օդում և այլն«Արմենպրես»-ի հաղորդմամբ՝ հունիսի 28-ին տեղի ունեցավ «Վարդանանց» նորարարական բժշկության կենտրոնի գլխավոր տնօրեն, ԵՊԲՀ հետբուհական և շարունակական կրթության կենտրոնի անեսթեզիոլոգիայի և ինտենսիվ թերապիայի ամբիոնի վարիչ Հարություն Մանգոյանի հեղինակած «Նախահիվանդանոցային բուժօգնություն» գրքի շնորհանդեսը:

Լուսանկարները՝ Հայկ Մանուկյանի

«Գիրքը նվիրված է շտապօգնությանը, նախահիվանդանոցային բուժօգնությանը: Այն ներկայացնում է բոլոր հետևյալ հարցերը՝ ինչպես առաջին բուժօգնություն ցուցաբերել, որ պացիենտի բուժումը շարունակել տանը, որին միանգամից առաջարկել հոսպիտալացում, մինչև հիվանդանոց հասնելն ինչպես պահպանել կենսական կարևոր ֆունկցիաները, որ նվազագույն լինի վնասն առողջությանը: Գրքում լուսաբանվել  շուրջ 50 թեմա, անհետաձգելի վիճակ, որի կապակցությամբ մարդիկ կարող են Շտապօգնություն կանչել»,-ասաց Մանգոյանը:

Ըստ հեղինակի՝ Շտապօգնությունը չի աշխատել գործելակարգային ոճով: Գործելակարգային ոճը նշանակում է հստակ իմանալ, թե մի քայլից հետո մյուս քայլը որն է, ոչ ավել քայլեր անել, ոչ պակաս: Գիրքը գրված է հենց այդ ոճով, չկա որևէ նկարագրական մաս: «Ուղղակի հրահանգների հավաքածու է՝ արա այսպես, հետո՝ այսպես, այսքան դեղաչափով...»,-նշեց նա:

Գրքում այսպիսով ներկայացվել է շուրջ 50 անհետաձգելի վիճակի գործելակարգ: Այն նախատեսված է Շտապօգնության բժիշկների, վերակենդանացման մասնագետների, ընդունարանների աշխատակիցների համար: Հայալեզու գրքով նաև առաջին անգամ անդրադարձ է կատարվում օդային տարհանման հարցերին: Հայաստանում սանավիացիայի ուղղաթիռների առկայության պայմաններում այս հարցը դարձրել  էր արդեն գործնական նշանակության

«Պետք է հասկանալ ցուցումները, հակացուցումները, օդում ինչպես օգնությունը շարունակել»,-ասաց հեղինակն ու հավելեց՝ փորձը ցույց է տվել, որ տեսական բազայի կարիք կա:

Գիրքը միջազգային գրականության, միջազգային լավագույն տարբերակների հավաքածու է, որին գումարվել է հեղինակի տարիների փորձը՝ ոչ միայն որպես պրակտիկ բժիշկ, այլ նաև՝ որպես դասախոս:

Մանգոյանը կարևոր տեղեկատվությունը փաթեթավորել է ճիշտ ձևով, մատչելի բառապաշարով:

Գիրքն անվճար հասանելի կդառնա հանրապետության Շտապօգնության բոլոր բժիշկների, կլինիկական օրդինատորների համար: Հեղինակը շատ է ցանկանում, որ այն դառնա նրանց հերթապահության տանելու գիրքը, այն գիրքը, որին կդիմեն որպես օգնական, ընկեր

Ըստ Երևանի պետական բժշկական համալսարանի ռեկտոր Արմեն Մուրադյանի՝ գրքում ամփոփված գործելակարգերը միանշանակ արտացոլում են միջազգային մոտեցումները՝ ապացուցողական բժշկության հենարանի վրա: «Առանց ավելորդ բառակապակցությունների, շատ հստակ ֆիքսված է, թե ինչպիսի գործելակարգ պետք է ունենա բժիշկը այս կամ այն իրավիճակում՝ ցավային համախտանիշի ժամանակ, սուր շնչական անբավարարության ժամանակ՝ մինչև հիվանդանոց տեղափոխելը»,-ասաց ռեկտորը:

Հեղինակը շնորհանդեսին գրքերն անձամբ նվիրեց Շտապօգնության բժիշկներին

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]