Ժամանակը Երևանում՝ 11:07:36,   29 Նոյեմբեր

ՀՀ տարածքում շարունակում է գտնվել շուրջ 1000 ադրբեջանցի զինծառայող. ԳՇ պետ

ՀՀ տարածքում շարունակում է գտնվել շուրջ 1000 ադրբեջանցի զինծառայող. ԳՇ պետ

ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ։ ՀՀ տարածքում շարունակում է գտնվել շուրջ 1000 ադբերջանցի զինծառայող։

«Արմենպրես»-ի հաղորդմամբ՝ այս մասին լրագրողների հետ զրույցում ասաց ՀՀ ԶՈւ  գլխավոր շտաբի պետ Արտակ Դավթյանը:

«Ընդհանուր թիվը մնացել է նույնը։ Ամենօրյա գործունեության ընթացքում՝ 10-20-ով ավելի կամ պակաս լինելը առօրյա խնդիրներ են, ընթացքում իրականացվում են հերթափոխ կամ ապահովման այլ հարցեր»,- նշեց Դավթյանը և հավելեց, որ ընդհանուր առմամբ ՀՀ-ում ադրբեջնացի զինծառայողների թիվը մնացել է անփոփոխ։

Խոսելով՝ սահմանին հայ և ադրբեջանցի զինծառայողների միջև տեղի ունեցող միջադեպերի մասին, ԳՇ պետն ասաց, որ դրանք պակասել են։

«Նախկինում այն քանակությամբ, որ տեղի էին ունենում, այս պահի դրությամբ չկան։ Դա պայմանավորված է բանակցային գործընթացով, որն ակտիվ ընթացքի մեջ է։ Այդ պրոցեսին չվնասելու համար շատ բան չի ասվում, վերջնական արդյունքները տեսանելի կլինեն այն տարբերակով, որը մենք կներկայացնենք»,- նշեց Դավթյանը։

Ադրբեջանցի զինծառայողների ՀՀ տարածքում գտնվելու մասին հայտարարվել էր դեռևս մայիս ամսին։








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]