Վերին Շորժայի սահմանային հատվածում ադրբեջանցի զինծառայողները կրակահերթեր են արձակել հայ դիրքապահների ուղղությամբ

ԵՐԵՎԱՆ, 25 ՄԱՅՍԻ, ԱՐՄԵՆՊՐԵՍ: Մայիսի 25-ին, ժամը 14։20-ի սահմաններում հրազենի կիրառմամբ միջադեպ է գրանցվել Հայաստանի Հանրապետության Գեղարքունիքի մարզի Վերին Շորժայի սահմանային հատվածում։ «Արմենպրես»-ին այս մասին հայտնեցին ՀՀ պաշտպանության նախարարության տեղեկատվության և հասարակայնության հետ կապերի վարչությունից:

Մասնավորապես՝ հակառակորդի կողմից հայ դիրքապահների ուղղությամբ կրակահերթեր են արձակվել։

Միջադեպի մանրամասները ճշտվում են։