1000х90.jpg (78 KB)

Երևանում՝ 11:07,   29 Մարտ 2024

COVAX Facility-ն չի ստիպել ՀՀ-ին AstraZeneca ձեռք բերել. մասնագետը պատվաստանյութի գնման մասին

COVAX Facility-ն չի ստիպել ՀՀ-ին AstraZeneca ձեռք բերել. մասնագետը 
պատվաստանյութի գնման մասին

ԵՐԵՎԱՆ, 2 ԱՊՐԻԼԻ, ԱՐՄԵՆՊՐԵՍ: COVAX Facility նախաձեռնությունը չի ստիպել Հայաստանի Հանրապետությանը AstraZeneca պատվաստանյութը ձեռք բերել:

«Արմենպրես»-ի հաղորդմամբ՝ այս մասին մամուլի ասուլիսի ժամանակ ասաց ՀՀ ԱՆ հիվանդությունների վերահսկման և կանխարգելման ազգային կենտրոնի Վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանը:

«Պատվաստանյութերն առաջարկում է COVAX Facility նախաձեռնությունը: Ի սկզբանե պետք է լիներ Pfizer պատվաստանյութը, սակայն այն հնարավոր չեղավ ձեռք բերել: Վերջինս պահանջում էր մինչև մինուս 70 ջերմաստիճանում պահպանման պայմաններ: ՀՀ-ում նման պայմաններ չկան: Ինչ վերաբերում է AstraZeneca-ին, ապա կարող եմ ասել, որ այն նույնպես առաջարկել է COVAX Facility նախաձեռնությունը: Մենք առաջին խմբաքանակն արդեն ձեռք ենք բերել, պետք է սկսենք պատվաստումները»,- նշեց մասնագետը:

Անդրադառնալով պատվաստանյութի խնդրահարույց լինելուն (խոսվում է պատվաստումից հետո կողմնակի ազդեցությունների մասին– հեղ.)՝ Աբովյանն ասաց, որ Եվրամիության դեղերի գրանցման գործակալությունը վերջին շրջանում մի քանի անգամ հանդես է եկել և ասել, որ AstraZeneca-ն որևէ խնդիր չունի:

«Խոսակցություններ կան, թե COVAX Facility-ն պարտադրել է մեզ ձեռք բերել AstraZeneca-ն, այս առումով ասեմ, որ նման բան չկա: Նախաձեռնությունը միայն առաջարկում է պատվաստանյութերը, երկրներն էլ, ելնելով իրավիճակից և հնարավորություններից, ձեռք են բերում: Ընդ որում, այնպես չէ, որ AstraZeneca-ն շատ պատվաստանյութ ունի, այդ պատճառով էլ հիմնականում պատվաստումներն իրականացվել են ռիսկի խմբերում»,- նշեց Ռոմելլա Աբովյանը:

Հայաստանի Հանրապետություն է ներկրվել կորոնավիրուսային հիվանդության (COVID-19) դեմ պատվաստանյութի՝ «COVAX FACILITY» նախաձեռնության միջոցով առաջին խմբաքանակը՝ 24 հազար դեղաչափ: Այն նախատեսված է ռիսկի խմբերի շրջանում, մասնավորապես՝ բուժաշխատողների, 65 տարեկան և բարձր տարիքի անձանց, քրոնիկ հիվանդների, տարեցների խնամքի կենտրոնների բնակիչների և աշխատակիցների, սոցիալական խնամքի կենտրոնների աշխատակիցների՝ կամավորության սկզբունքով կորոնավիրուսային հիվանդության (COVID-19) դեմ պատվաստելու համար: «AstraZeneca» պատվաստանյութն ունի Առողջապահության համաշխարհային կազմակերպության (ԱՀԿ) կողմից արտակարգ իրավիճակներում կիրառման թույլտվություն: Այն կիրառելի է 18 տարեկան և բարձր տարիքի անձանց համար:

Ամերիկյան FDA-ն, Եվրամիության դեղերի գրանցման գործակալությունը և ԱՀԿ-ն տվել են իրենց եզրակացությունները այս պատվաստանյութի վերաբերյալ: Գրանցված կողմնակի ազդեցությունների ու պատվաստման միջև պատճառահետևանքային կապ չի հայտնաբերվել: Առաջիկայում պատվաստանյութը հասանելի կլինի թե Երևանում, թե ՀՀ մարզերում:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]