389.46
Վճռաբեկ դատարանի դատավորի թեկնածուն անդրադարձավ իրեն չընտրելու վերաբերյալ «Իմ քայլի» որոշմանը
2 րոպեի ընթերցում
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Վճռաբեկ դատարանի դատավորի թեկնածու Արսեն Մկրտչյանն անդրադարձավ «Իմ քայլը» խմբակցության այն որոշմանը, որ խմբակցությունը չի ընտրելու ներկայացված թեկնածուներից որևէ մեկին:
«Արմենպրես»-ի փոխանցմամբ՝ լրագրողների հետ զրույցում Մկրտչյանը նշեց, որ ցավում է, որ հաշվի է առնվում ոչ թե օբյեկտիվ չափանիշները, այլ քաղաքական որոշումը:
«Ցավում եմ, որ ընտրությունն օբյեկտիվ չափանիշների հիման վրա չի կատարվում, այլ կատարվում է քաղաքական որոշման արդյունքում, բայց պետք է հասկանանք, որ սա քաղաքական մարմին է, և կարող է լինել ցանկացած որոշում: Հասկանում եմ, որ տեղի են ունեցել իրադարձություններ, որոնք ունեն հետևանքներ: Հասկանում եմ պատգամավորներին, որ իրենք պետք է ինչ-որ ձևով արտահայտեն դա, բայց չէի ակնկալում, որ այդ արտահայտումը պետք է լինի իրենց քվեարկության ձևով»,- ասաց Մկրտչյանը:
Ազգային ժողովի «Իմ քայլը» խմբակցությունը չի ընտրի Վճռաբեկ դատարանի դատավորի թեկնածուներին, որոնց թեկնածությունն առաջադրել է Բարձրագույն դատական խորհուրդը: Խմբակցության ղեկավար Լիլիթ Մակունցը նշեց, որ այդպիսով իրենց բողոքը կարտահայտեն ԲԴԽ նախագահ Ռուբեն Վարդազարյանի նկատմամբ:
Բարձրագույն դատական խորհուրդը Վճռաբեկ դատարանի քաղաքացիական և վարչական պալատի դատավորի թափուր տեղի համար առաջադրել էրՍամվել Գրիգորյանի,Արմեն ՀայկյանցիևԱրսեն Մկրտչյանիթեկնածությունները, սակայն Սամվել Գրիգորյանն ինքնաբացարկ էր հայտնել:
Բաժանորդագրվեք մեր ալիքին Telegram-ում