1000х90.jpg (78 KB)

Երևանում՝ 11:07,   29 Մարտ 2024

Ավստրալիայի ԱԳ նախարարը կոչ է արել ԼՂ կարգավորման գործում հավատարիմ մնալ Հելսինկյան եզրափակիչ ակտին

Ավստրալիայի ԱԳ նախարարը կոչ է արել ԼՂ կարգավորման գործում հավատարիմ մնալ 
Հելսինկյան եզրափակիչ ակտին

ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Ավստրալիայի արտաքին գործերի նախարար Մարիս Պեյնը վերահաստատել է կառավարության աջակցությունը ԵԱՀԿ Մինսկի խմբի համանախագահության ներքո ընթացքող գործընթացին՝ շեշտելով, որ «ժողովրդի ինքնորոշումն ու հավասար իրավունքները» երեք հավասար սկզբունքներից են, որոնք պետք է 2020 թվականի արյունալի պատերազմից հետո Լեռնային Ղարաբաղը տանեն մշտական խաղաղության: Ինչպես հաղորդում է «Արմենպրես»-ը, այս մասին հայտնում է Հայ դատի Ավստրալիայի հանձնախումբը:

Արտգործնախարարը ողջունել է նոյեմբերի 10-ի հայտարարությամբ պատերազմական գործողությունների դադարեցումը՝ ընդգծելով, որ կողմերը պետք է հավատարիմ մնան Հելսինկյան եզրափակիչ ակտին, որը կոչ է անում հարգել «ուժի և ուժի սպառնալիքի չկիրառման, տարածքային ամբողջականության, հավասար իրավունքների և ժողովրդի ինքնորոշման սկզբունքները»:

Մարիս Պեյնը կոչ է արել Հայաստանին և Ադրբեջանին աջակցելու ԵԱՀԿ Մինսկի խմբի համանախագահների ջանքերին՝ տարածաշրջանում խաղաղության հասնելու համար:

Ավստրալիայի հայկական համայնքը ողջունել է արտգործնախարար Պեյնի հայտարարությունը՝ այն համարելով ճիշտ ուղղությամբ արված կարևոր քայլ:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]