Փաշինյանի հրաժարականը պահանջող ընդդիմադիրները բողոքի ակցիա են իրականացնում Կառավարության շենքի դիմաց

ԵՐԵՎԱՆ, 10 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանի հրաժարականը պահանջող ընդդիմադիրները բողոքի ակցիա են իրականացնում Կառավարության շենքի դիմաց:

Ինչպես տեղեկացնում է «Արմենպրես»-ը, ոստիկանությունը հսկում է Կառավարության շենքի մուտքերը:

Ավելի վաղ, ՀՀ վարչապետ Նիկոլ Փաշինյանի հրաժարականը պահանջող ընդդիմադիրները հանրահավաք էին դեկտեմբերի 9-ին Ազգային ժողովի շենքի դիմաց:

Խորհրդարանական և արտախորհրդարանական ընդդիմադիր կուսակցություններ նոյեմբերի 11-ից տարբեր ակցիաներ են իրականացնում` պահանջելով ՀՀ վարչապետ Նիկոլ Փաշինյանի հրաժարականը: Խորհրդարանական և արտախորհրդարանական ավելի քան 16 կուսակցություններից բաղկացած «Հայրենիքի փրկության շարժում»-ը վարչապետի միասնական թեկնածու է առաջադրել ՀՀ նախկին վարչապետ Վազգեն Մանուկյանին: Վազգեն Մանուկյանը նախկինում զբաղեցրել է ՀՀ վարչապետի, Պաշտպանության նախարարի և Հանրային խորհրդի նախագահի պաշտոնները: