Ժամանակը Երևանում՝ 11:07:36,   26 Սեպտեմբեր

Viasat-ն ամերիկահայերին վստահեցրել է՝ «Բայրաքթար»-ի համար օգտագործվող արտադրանքն այլևս չի մատակարարի Թուրքիա

Viasat-ն ամերիկահայերին վստահեցրել է՝ «Բայրաքթար»-ի համար օգտագործվող 
արտադրանքն այլևս չի մատակարարի Թուրքիա

ԵՐԵՎԱՆ, 22 ՀՈԿՏԵՄԲԵՐԻ, ԱՐՄԵՆՊՐԵՍ: Ամերիկյան Viasat ընկերությունն ամերիկահայերին վստահեցրել է, որ դադարեցնում է բոլոր մատակարարումները Թուրքիա: Ընկերության արտադրանքն օգտագործվել է «Բայրաքթար» անօդաչու թռչող սարքերի համար: Ամերիկահայերը բողոքի ակցիա են իրականացրել ընկերության շենքի առաջ, և նրանցից մի քանիսը մուտք է գործել ընկերության տարածք՝ բանակցությունների նպատակով:

Ակտիվիստ Քրիստինե Հալաջյանը Viasat-ի ներկայացուցիչ Քեն Պետերմանի հետ հանդիպումից հետո տեղեկացրել է, որ վերջինս նշել է՝ տեղյակ չեն եղել իրենց արտադրանքի՝ ահաբեկիչների կողմից օգտագործման մասին: Ըստ Հալաջյանի՝ Պետերսոնը հավելել է, որ Viasat-ը դադարեցնում է մատակարարումները Թուրքիային և պաշտոնական Վաշինգտոնից բացատրություններ կպահանջի:

«Նրանք այլևս չեն ստանա մեր արտադրանքը, ես շատ շնորհակալ եմ այս խաղաղ բողոքի ակցիաների համար, որ այդ ահաբեկչությունը դադարեցվի»,- ինչպես փոխանցում է «Արմենպրես»-ը, վկայակոչելով ակտիվիստի սոցիալական ցանցի էջը, որտեղ ուղիղ եթեր էր միացված, Viasat ընկերության ներկայացուցիչն ասել է հայ ակտիվիստին, որի բնորոշմամբ՝ սա իրականում մեծ ձեռքբերում է և շնորհիվ կալիֆոռնիայի հայերի ջանքերի՝ այդ ռազմական տեխնիկան այլևս չի մատակարարվի Թուրքիային: Viasat-ը դադարեցնում է բոլոր մատակարարումները Թուրքիա:

Սպասվում է, որ ընկերությունը պաշտոնական հայտարարությամբ հանդես կգա: Viasat-ի ներկայացուցչից Պետերմանից ամերիկահայերի ակցիայի ընթացքում հարցազրույց էր վերցնում FOX5 հեռուստաալիքը: Սպասվում է նաև այդ լրատվամիջոցի արձագանքը: 




Այս թեմայով





youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]