Նիդերլանդների խորհրդարանի պատգամավորը դատապարտել է Ադրբեջանի հարձակումը

ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Նիդերլանդների խորհրդարանի պատագամովոր, Քրիստոնեական միություն կուսակցության խոսնակ Ջոել Ֆորդևինդը դատապարտել է Արցախի ուղղությամբ Ադրբեջանի հարձակումը: «Արմենպրես»-ի փոխանցմամբ` այս մասին պատգամավորը գրել է «Թվիթեր»-ի իր էջում:

«Հուսով եմ, որ Հայաստանը կստանա միջազգային աջակցություն, հարձակումը կդատապարտվի և կդադարեցվի»,- գրել է Ֆորդևինդը:

Bizarre aanval van Azerbeidzjan op Armeense enclave Nagorno-Karabach. Hoop dat Armenie internationale steun krijgt en de aanval wordt veroordeeld en gestopt. @NOS https://t.co/ufsXfZicEw

— Joël Voordewind (@JoelVoordewind) September 27, 2020

Արցախի հետ շփման գծի ողջ երկայնքով սեպտեմբերի 27-ի վաղ առավոտյան Ադրբեջանն ակտիվ հրետակոծություն է սկսել: Հրետակոծվում են նաև խաղաղ բնակավայրերը, այդ թվում մայրաքաղաք Ստեփանակերտը: Ադրբեջանական զինուժը կորցրել է 2 ուղղաթիռ, 14 ԱԹՍ, ունի զրահատեխնիկայի կորուստներ: Ադրբեջանի հարձակման հետևանքով Մարտունու շրջանում մեկ կին և մեկ երեխա են զոհվել: Քաղաքացիական անձանց շրջանում կան տասնյակ վիրավորներ տարբեր աստիճանի մարմնական վնասվածքներով։