Կարանտինի ընթացքում ՔԿՀ-ներում երկարատև տեսակցությունները կթույլատրվեն որոշ պայմաններով

ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ։ Հայաստանի Հանրապետության քրեակատարողական հիմնարկներում երկարատև տեսակցությունները թույլատրվում են բացառապես քրեակատարողական հիմնարկում կորոնավիրուսային հիվանդության (COVID-19) գործող դեպքերի բացակայության և տեսակցողի՝ ՊՇՌ հետազոտության բացասական արդյունքի դեպքում (վերջին 72 ժամ վաղեմությամբ): Այս մասին «Արմենպրես»-ը տեղեկացավ Կառավարության համապատասխան որոշման հավելվածից։

Հայաստանի Հանրապետության կառավարության որոշմամբ սեպտեմբերի 11-ից, ժամը 17:00-ից մինչև հունվարի 11-ը ներառյալ երկրում սահմանվել է կարանտին: