1000х90.jpg (78 KB)

Երևանում՝ 11:07,   29 Մարտ 2024

«Հայփոստ»-ն իջեցրել է ներհանրապետական առաքման սակագները

«Հայփոստ»-ն իջեցրել է ներհանրապետական առաքման սակագները

ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ։ Հայաստանում  էլեկտրոնային առևտրով զբաղվող փոքր և միջին բիզնեսը խթանելու նպատակով «Հայփոստ» ընկերությունը ներկայացնում է գնային նոր հատուկ ակցիա ՀՀ և Արցախի տարածքում ցանկացած փոստային բաժանմունքից մեկ այլ բաժանմունք առաքումների համար: Այսուհետ մինչև 3կգ քաշ ունեցող ծանրոցների առաքման գինը կլինի 200 դրամ, ակցիան կգործի մինչև հունվարի 1-ը:

Փոստային առաքանիների փոխադրման նոր լոգիստիկ լուծումների շնորհիվ «Հայփոստ» ընկերությունը  նաև կրճատել է ծանրոցների առաքման ժամանակահատվածը: Հայփոստի 850-ից ավել բաժանմունքների ընդգրկուն ցանցի միջոցով ներհանրապետական առաքման դեպքում ծանրոցն իր հասցեատիրոջ բաժանմունք կհասնի ավելի արագ:  Ծառայությունը հասանելի է Հայաստանի  և Արցախի բոլոր փոստային բաժանմունքներում, ինչպես նաև Հայաստանից Արցախ և հակառակ ուղղությամբ:

«Արմենպրես»-ի հաղորդմամբ՝ լրատվամիջոցների հետ զրույցում «Հայփոստ» ՓԲԸ գլխավոր տնօրեն Հայկ Կարապետյանը նշել է. «Մեր ուսումնասիրությունները ցույց են տվել, որ COVID-19-ով պայմանավորված՝ Հայաստանի ներքին շուկայում գրանցվել է էլեկտրոնային առևտրի կտրուկ աճ՝ մոտ 62%-ով: Կարծում եմ՝ այս գործընթացում մեծ դերակատարում են ունեցել համավարակի կանխարգելման միջոցառումները: Հայփոստը, լինելով փոստային կապի ազգային օպերատոր, իր ենթակառուցվածքով ծառայում է նաև պետական ռազմավարական խնդիրների իրականացմանը:  Սա նշանակում է, որ «Հայփոստ»-ի նման մեծ ընկերությունները, որոնք լուծում են նաև կորպորատիվ սոցիալական խնդիրներ, նման իրավիճակներում պետք է դառնան երկրում առևտրաշրջանառության ծավալների պահպանման և աճի խթանողը»:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]