Ժամանակը Երևանում՝ 11:07:36,   14 Օգոստոս

Կմշակվի օրենսդրական փաթեթ՝ արտակարգ իրավիճակի ռեժիմով գործիքակազմ կիրառելու նպատակով  

Կմշակվի օրենսդրական փաթեթ՝ արտակարգ իրավիճակի ռեժիմով գործիքակազմ 
կիրառելու նպատակով

 

ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Կառավարությունը կմշակի օրենսդրական փաթեթ, որը հնարավորություն կտա դրանով նախատեսվող գործիքակազմը կիրառել արտակարգ իրավիճակի ռեժիմով:

Այդ մասին կառավարության արտահերթ նիստում նշեց Վարչապետ Նիկոլ Փաշինյանը՝ անդրադառնալով արտակարգ դրության ռեժիմը ևս մեկ ամսով երկարաձգելու որոշման ընդունմանը:  

 «Բացի արտակարգ դրության ռեժիմից, օրենսդրությունում այլ արդյունավետ գործիքակազմ չունենք և եթե չերկարացնենք, ապա հակահամաճարակային միջոցառումների համակարգը դե յուրե իր ուժը կորցրած կլինի: Մյուս կողմից՝ հասկանում ենք, որ արտակարգ դրությունն անվերջ երկարացնել հնարավոր չէ և պետք էլ չէ: Որոշում ունենք՝ օրենսդրական փաթեթ մշակել, որը հնարավորություն կտա այդ գործիքակազմը կիրառել ոչ թե արտակարգ դրության, այլ արտակարգ իրավիճակի ռեժիմով, որն ավելի թեթև կլինի»,- «Արմենպրես»-ի փոխանցմամբ, ասաց վարչապետը:

Արդարադատության նախարար Ռուստամ Բադասյանը հավելեց, որ արտակարգ դրության ռեժիմը երակարաձգող  նախագծում հստակեցվել է ինքնամեկուսացման հրահանգ տալու ձևը։ «Մասնավորապես՝ սահմանվել է, որ այն տրվում է բանավոր, հասցեատիրոջ պահանջով, ենթակա է նաև գրավոր ձևակերպման: Բացառություն է նախատեսվել ինքնամեկուսացման կարգի խախտման դեպքում, երբ անձը ցուցումներին համապատասխան այցելում է բուժհաստատություններ՝ ախտորոշիչ հետազոտություններ կազմակերպելու նպատակով»,- ասաց նա:




https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ