367.38
ՀՀ դեսպանը հանդիպել է Եգիպտոսի Ներկայացուցիչների Պալատի արտաքին հարաբերությունների հանձաժողովի նախագահի հետ
1 րոպեի ընթերցում
ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ: Եգիպտոսում ՀՀ դեսպան Արմեն Մելքոնյանը դեկտեմբերի 17-ին հանդիպեց Եգիպտոսի Ներկայացուցիչների պալատի արտաքին հարաբերությունների մշտական հանձնաժողովի նախագահ Տարեկ Ռադուանի հետ։ Այս մասին «Արմենպրես»-ին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից:
Հանդիպման ընթացքում դեսպան Մելքոնյանը ներկայացրեց Հայաստանի արտաքին քաղաքականության և տնտեսական զարգացման առաջնահերթությունները: Քննարկվեցին երկու երկրների միջև միջխորհրդարանական կապերի զարգացման հնարավորությունները։
Ներկայացուցիչների Պալատի արտաքին հարաբերությունների մշտական հանձնաժողովի նախագահն իր հերթին խոսեց ներկա փուլում Եգիպտոսի առջև ծառացած խնդիրների և մարտահրավերների մասին։
Երկուստեք բարձր գնահատելով դարավոր ավանդույթներ ունեցող հայ-եգիպտական բարեկամությունը՝ զրուցակիցները մտքեր փոխանակեցին քաղաքական և տնտեսական համագործակցության օրակարգի, ինչպես նաև տարածաշրջանային մի շարք հարցերի շուրջ։
Բաժանորդագրվեք մեր ալիքին Telegram-ում