Մարիա Կուրսովան ոչ-ոքի խաղաց Եվրոպայի առաջնության 3-րդ տուրում
10:10, 30 Մայիս 2016
ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ: Շախմատի կանանց Եվրոպայի անհատական առաջնությունում կայացան 3-րդ տուրի պարտիաները: Երկու անընդմեջ հաղթանակից հետո Մարիա Կուրսովան կիսեց միավորը Յովանկա Հուսկայի հետ: Ոչ-ոքի խաղացին նաև Լիլիթ Մկրտչյանը և Մարիա Գևորգյանը: Միակ հաղթանակը տոնեց Լիլիթ Գալոյանը, ով պարտության մատնեց ռուս Իրինա Ուտիատսկայային: Այս մասին «Արմենպրես»-ին տեղեկացրին ՀԱՕԿ լրատվության բաժնից:
Այս տուրից հետո Կուրսովան 2,5 միավորով 10-րդ տեղում է:
Շախմատի կանանց Եվրոպայի անհատական առաջնությունն այս տարի անցկացվում է Ռումինիայի Մայամա քաղաքում: Այն մեկնարկել է մայիսի 27-ին և կեզրափակվի հունիսի 8-ին:
Բաժանորդագրվեք մեր ալիքին Telegram-ում