Wifka-ն 30 մլն դոլար Է խոստանում Ուկրաինայում Boeing-ը խփած անձանց մասին տեղեկությունների համար
ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Տնտեսական հետազոտությունների Wifka գերմանական բյուրոն պատրաստ Է 30 մլն դոլար վճարել Ուկրաինայում Boeing-777-ը խփած անձանց մասին տեղեկատության դիմաց: Այդ մասին, ինչպես տեղեկացնում է «Արմենպրես»-ը, հաղորդվում Է ընկերության կայքում:
«Տեղեկությունների համար, որոնք կկարողանան բերել հանցագործության պատվիրատուների բացահայտմանը, պարգեւատրում է նշանակված 30 մլն դոլարի չափով»,-ասված Է մասնավոր բյուրոյի հաղորդագրության մեջ: Ամբողջ գումարը պահվում է Ցյուրիխում եւ կվճարվի Շվեյցարիայի այդ քաղաքում կամ այլ վայրում:
Wifka-ն միջադեպի հետքննությամբ զբաղվում է պատվիրատուի հանձնարարությամբ, որի անունը չի բացահայտվում:
«Մալայզիական ավիաուղիներ» ընկերության Boeing-777-ը, որը չվերթ Էր իրականացնում Ամստերդամ-Քուալա Լումպուր երթուղով, հուլիսի 17-ին կործանվել Է Ուկրաինայի Դոնեցկի մարզում:
Օդանավում եղած բոլոր 298 ուղեւորներն ու անձնակազմի անդամները զոհվել են, հաղորդել է ԻՏԱՌ-ՏԱՍՍ-ը:
Բաժանորդագրվեք մեր ալիքին Telegram-ում