ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ: Նախորդ տարվա նման 2013 թվականին ևս տարեսկզբից գլխավոր հանրային հետաքրքրության կիզակետում շոու բիզնեսի բնագավառում «ո՞վ կներեկայացնի Հայաստանը «Եվրատեսիլ»-ում» հարցն էր:   Հայաստանի Հանրային հեռուստաընկերությունը` բոլոր հարցադրումներին պատասխան տվեց հունվարի երկրորդ կեսին` հայտարարելով,  որ Շվեդիայի Մալմյո քաղաքում մայիսի 14-18-ը անցկացվող  «Եվրատեսիլ 2013» երգի մրցույթում Հայաստանը կներկայացնի «Դորիանս» ռոք խումբը, որը Բաքվում կայանալիք «Եվրատեսիլ 2012»-ի համար նախորդ տարի գրել էր This is our world երգը, սակայն Հայաստանին այդպես էլ չհաջողվեց  մասնակցել մրցույթին:

Առաջին ալիքի որոշումը հանրության շրջանում կարծես թե հավանության արժանացավ` հաշվի առնելով  «Դորիանս» ռոք խմբի մեներգիչ Գոռ Սուջյանի լավ ձայնային տվյաները և կատարողական բարձր մակարդակը, սակայն հանրային համերաշխությունը «չգործեց»  խմբի համար  Black Sabbath անգլիական ռոք խմբի լեգենդար կիթառահար Թոնի Այոմիի համահեղինակությանբ գրված Lonely planet  երգի դեպքում: Երգը քննադատվեց «հակաեվրատեսիլային» լինելու մեջ, թեև խմբի ելույթը արժանացավ հավանության` անկախ բարձր հորիզոնականներ չզաղեցնելու փաստից: «Արմենպրես»-ը մրցույթին ընդառաջ  հարցազրույց ներկայացրեց Գոռ Սուջյանի, ինչպես նաև Եվրոպական հեռարձակողների միության «Եվրատեսիլ» մրցույթի կազմակերպչական հարցերով ղեկավար Սիթցե Բեքերի հետ:

Երգչուհի Լիդուշիկը փետրվարին մենահամերգով հանդես եկավ Գլենդելի «Ալեքս» թատրոնում: Հայկական երգարվեստի ներկայացուցիչներն անմասն չեն մնում նաև բարեգործական նախաձեռնություններից` մայիսին երգիչ Հայկոյի` Գյումրիի համերգից գոյացած հասույթով քաղաքի տուն- ինտերնատի համար գնվեց նոր դանշամուր:

«Արմենպրես»-ը  «Պատանի երաժիշտների Եվրատեսիլ»-ին ընդառաջ ներկայացրեց հարցազրույց այս, ինչպես նաև «Մանկական Եվրատեսիլ»-ի ղեկավար Վլադիսլավ Յակովլեւի հետ` Լեհաստանի Գդանսկ քաղաքում հունիսի 14-ին կայանալիք մրցույթի մանրամասների մասին: Մրցույթում Հայաստանը ներկայացրել է 17-ամյա Վահագն Մարգարյանը: Փետրվարին Նինո Կատամաձեն եւ Insight խումբը երկու համերգ տվեցին  Երեւանում: Համերգների շրջանակներում կայացավ նաեւ երաժիշտների նոր` Green ձայնասկավառակի շնարհանդեսը:

«Միսս Հայաստան 2013» գեղեցկության մրցույթի անցկացման հարցը մարտից հստակեցվում էր կազմակերպիչների կողմից, բայց ֆինանական խնդիրների պատճառով մրցույթը չանցկացվեց:

Armenian Navy Band խմբի հիմնադիր Արտո Թունջբոյաջյանը մարտին հանրությանը ներկայացրեց  թարմությամբ եւ նորություններով «համեմված» երկու ձայնասկավառակներ: Խումբը տարվա ընթացքում մի շարք համերգներով հանդես եկավ երևանյան ակումբներում:

2013 թվականին երգչուհի Սիրուշոն իր երկրպագուներին ներկայացրեց  Կոմիտասի «Լոռվա Գութաներգ» երգից ներշնչված  «ՊռեԳոմեշ» երգը, որից հետո երգչուհին թղարկեց համանուն զարդերի հավաքածուն: Երգչուհուհին 2013 թվականը ամփոփեց համագործակցությամբ. Սիրուշոյի և հույն երգիչ Սակիս Ռուվասի` օրեր առաջ հանրության դատին ներկայացրած  «Տես» (SEE) նախագիծը դարձել է հունական մամուլի  երաժշտական գլխավոր լուրը: Այս օրերին եվրոպական մի շարք լրատվական կայքեր և մասնավորապես հունական մամուլը շարունակ գրում և քննարկում է նոր համագործակցությունը:  Կարճ ժամանակահատվածում ավելի քան 25 լրատվամիջոց անդրադարձել է արտիստների համատեղ աշխատանքին: Հունաստանում Սիրուշոյին ճանաչում և սիրում են վաղուց:

Մարտին «Արմենիա» երաժշտական մրցանակաբաշխությունը  21 անվանակարգերով որոշեց տարվա լավագույններին:

Նույն ամսում հայ երկրպագուներին սպասում էր մեծ անակնկալ`  Խուլիո Իգլեսիասի երևանյան համերգը, որի ընթացքում  հնչեցին երգչի ամենահայտնի և սիրված երգերը: Մարտին` The Beautified Project հայկական ռոք խումբը երկար ընդմիջումից հետո համերգ տվեց Երեւանում: Ռոք խումբը այս տարի  նշեց  իր հիմնադրման 8 տարին: Երգիչ, կիթառահար Սուրեն Առուստամյանը հաղթեց  էրիկ Քլեփթոնի հայտարարած մրցույթում: Սիրուշոն եւ «Դորիանս»-ը համատեղ համերգ ունեցավ Կարեն Դեմիրճյանի անվան մարզահամերգային համալիրում:  

Աշխարհահռչակ երգչուհի Հելեն Սեգարան երեւանյան մենահամերգով ներկայացավ հայ հանդիսատեսին, նա համերգն ամփոփեց հայերեն «Դլե յաման» երգով:

Թաթա Սիմոնյանն ու Քրիստինա Օրբակայտեն ապրիլի 7-ի առթիվ «Մեր սիրո տոն»-ը երգը նվիրեցին կանանց:

Դեռ 2012 թվականին մեկնարկած «Հայաստանի ձայնը» նախագիծը ապահովեց մեծ դիտողականություն, հաղթեց Գյումրիի մասնակից Մերի Մնջոյանը, ով և «Արմենիա» հեռուստաընկերության կողմից ստացավ իրավունք ներկայացնելու մեր երկիրը  «Նոր ալիք 2013» միջազգային մրցույթում: «Մանկական նոր ալիք 2013» մրցույթում Հայաստանը ներկայացրեց 9-ամյա Էլինա Չոլախյանը:

Հունիսին` «Նվիրիր կյանք» բարեգործական հիմնադրամին նվիրված «Արեւ ենք միասին» երգի տեսահոլովակը իր շուրջ համախմբեց  հայտնի մշակութային, հասարակական գործիչներին մեկ` բարեգործության գաղափարի շուրջ:  ՀՀ նախագահի տիկին Ռիտա Սարգսյանի հեղինակած երաժշտությամբ երգի տեսահոլովակը մի երեխայի պատմություն է` տխուր, բայց երջանիկ ավարտով պատմություն, որն  անտարբեր չի թողնում ոչ մեկին:

Հաջողությամբ իր ընթացքը շարունակեց  «Ջազը և Գյումրին» երաժշտական  նախագիծը, որը միտված էր Գյումրիում ջազի պրոպագանդմանը: Նախագծի ինֆորմացիոն հովանավորն էր նաև «Արմենպրես» լրատվական գործակալությունը: Նախագիծը իր 1-ամյակը  Հայաստանի պետական ջազ նվագախմբի գեղեցիկ համերգով ամփոփեց նոյեմբերի սկզբին:

EMPYRAY հայկական ռոք խումբը փոխեց ձայնը` Սարգիս Մանուկյանի փոխարեն, այժմ խմբում երգում է Եվա Սուջյանը:

Հետաքրքիր և անկանխատեսելի իրադարձություններ ծավալվեցին նորաձևության բնագավառում: «Հայկական նորաձևության շաբաթ» (Armenian fashion week) առաջին անգամ նոյեմբերի 6-10-ը անցկացվողեռօրյա միջոցառման անցկացման փաստը դժգոհությունների տեղիք է տվել ոլորտում հայաստանյան երկարամյա առաջատարների շրջանում: «Հայկական նորաձևության շաբաթ» միջոցառման կազմակերպիչների հավաստմամբ` իրենք նպատակ էին ունեցել առաջին հերթին նպաստել երկրում նորաձևության զարգացմանը: «Հայկական նորաձևության շաբաթի» (Armenian fashion week) գլխավոր պրոդյուսեր Գրիգոր Հովհաննիսյանն «Արմենպրես»-ի  միջոցով արձագանքեց  նոյեմբերի 14-ին հրավիրված ասուլիսում նորաձևության ոլորտի հայաստանյան առաջատար ներկայացուցիչներ`Կարինե Դնոյանի,  Լիլիթ Մարգարյանի, Արամ Նիկոլյանի,  Միքայել Դանիելյանի և Գևորգ Շադոյանի հնչեցած կարծիքներին, որոնք բացասական գնահատականներ էին պարունակում անցկացված միջոցառման առնչությամբ` նշելով, որ անիմաստ է Հայաստանում կազմակերպել նորաձևության շաբաթ միայն արտերկրից ժամանած դիզայներների մասնակցությամբ և առանց ներգրավելու երկրում ստեղծագործողներին: Հովհաննիսյանը համաձայն չէր «Հայկական նորաձևության շաբաթ»-ի մասին հնչած կարծիքների հետ, սակայն առաջարկեց մոռանալ ստեղծված թյուրիմացությունը և առաջ շարժվել:

Նոյեմբերի վերջին` «Մանկական եվրատեսիլ-2013» երգի մրցույթում Հայաստանը ներկայացրեց 15-ամյա Մոնիկա Ավանեսյանն իր «Շոկո ֆաբրիկա» երգով, թեև երգչուհին իր թիմակիցմերի հետ բարձր հորիզոնական չզբաղեցրեց, սակայն տպավորիչ ելույթ ունեցավ:

Հայ երիտասարդության շրջանում «Սարի աղջիկ» երգի հայկական արմատների վերհանմանն ու հայտնի դառնալուն միտված համանուն նախագիծը հաջողությամբ շարունակեց իր ընթացքը: Մոտ մեկուկես ամսվա կենսագրություն ունեցող կամավորական նախագիծը հանրության դատին է ներկայացել երգիչ Անդրեի կողմից ձայնագրված երգով, ինչպես նաև sari-aghjik.com կայքի ստեղծմամբ:

Հանրահայտ ջազային երաժշիտ Տիգրան Համասյանը ամռան վերջին վարպետության դասեր տվեց  Հայաստանում և Արցախում: Համասյանը  հայաստանյան երկրպագուներին իր նոր`«Ստվերների թատրոն» երաժշտական ալբոմն ունկնդրելու հնարավորություն ընձեռեց: Դետեմբերի 14-ին «Արամ Խաչատրյան» համերգասրահում երաժիշտը հանդես եկավ իր բենդի հետ:  Համերգը «Հայկական դաշնամուրային ստեղծագործությունների անթոլոգիա» նախագծի շրջանակում էր, որն իրականացվում  է ՀՀ նախագահի տիկին Ռիտա Սարգսյանի բարձ հովանու ներքո:

«Հայկական երաժշտական հեռուստաալիք» մրցանակաբաշխությունը դեկտեմբերին  որոշեց  շոու-բիզնեսի  լավագույններին` յոթ անվանակարգելում:  «Տարվա լավագույն կատարում» և «Տարվա հիթ» անվանակարգերում հաղթող է ճանաչվել երգչուհի Սիրուշոյի  «Պռոգոմեշ» երգը: «Տարվա արտիստ» տիտղոսին արժանացել է երգչուհի Ջուսը: «Տարվա լավագույն համագործակցություն»-ը՝ Գևորգ Մարտիրոսյանի  և Արմոյի «Շնորհավոր» կատարումն էր: Էրիկը երրորդ տարին է, ինչ մրցանակաբաշխության շրջանակում ստացել է  «Տարվա լավագույն» երգիչ  կոչումը: «Տարվա լավագույն երգչուհի» է ճանաչվել Քրիստինե Պեպելյանը:

Տարին խորհրդանշական ամփոփեց երգչուհի Էմմին, ում   «Նոր տարի» ձայնասկավառակում ներկայացված են կոմպոզիտոր, երաժիշտ Արթուր Գրիգորյանի հեղինակած 4 երգերը: Երգչուհի Դալիթա Ավանեսյանը տոնական օրերին ընդառաջ ներկայացրեց իր «Ամանոր» երգը:

Տարվա ընթացքում մենք անդրադարձել ենք նաև մյուս երգիչ-երգչուհիների մենահամերգներին, շնորհանդեսներին,  հարցազրույցներ ենք ներկայացրել հանրահայտ ջազային երգչուհի Տաթևիկ Հովհաննիսյանի, Էռնա Յուզբաշյանի,  Էրիկի, Արմինկայի, Արամ MP3-ի այլ հայտնիների հետ:

Շոու բիզնեսի ոլորտում  կատարվող իրադարձությունները այս տարի ևս իր դիտակետում պահեց Տաթևիկ Գրիգորյանը