Հաջորդ տարվանից կբացվի Արդարադատության ակադեմիան

ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանում 2014 թ. հունվարի 1-ից կսկսի գործել արդարադատության ակադեմիան: Ինչպես հաղորդում է «Արմենպրես»-ը` ՀՀ կառավարության նիստում ՀՀ արդարադատության նախարար Հրայր Թովմասյանը նշեց, որ միաժամանակ կփակվեն դատական դպրոցն ու դատախազական դպրոցը:

Նախարարի խոսքով` ակադեմիան կիրականցնի վերջիններիս գործառույթները և կպատրաստի դատախազների ու դատավորների թեկնածուներ:Ակադեմիան կբացվի Երևանի Փիրումյանների փողոցում:

Սեպտեմբերի 1-ից ուժի մեջ է մտել Ազգային ժողովի կողմից մայիսի 2-ին ընդունված «Արդարադատության ակադեմիայի մասին» օրենքը:Արդարադատության ակադեմիան, մասնավորապես, կազմակերպելու և անցկացնելու է որակավորման uտուգման արդյունքներով դատավորների և դատախազների թեկնածությունների ցուցակներում ընդգրկված անձանց մաuնագիտական պատրաuտումն ու վերապատրաuտումը, դատական ծառայողների, դատախազության աշխատակազմում պետական ծառայողների և դատական կարգադրիչների վերապատրաuտումը, ինչպես նաև` կազմակերպելու է դատավորների, դատախազների և դատական կարգադրիչների հատուկ ուսուցումը՝ հատուկ միջոցների և հրազենի գործադրման ունակություններին ուսուցանելու նպատակով: