368.44
Նյու Յորքում սկսվում Է բարձր նորաձեւության շաբաթը. բարձրահարթակ Է վերադառնում 1920-ական թվականների ոճը
1 րոպեի ընթերցում
ՆՅՈՒ ՅՈՐՔ, 9 ՓԵՏՐՎԱՐԻ, ԱՐՄԵՆՊՐԵՍ: Աշխարհի առաջատար դիզայներներն այսօր իրենց հայացքներն են հառում Նյու Յորքի բարձրահարթակներին, որտեղ կկայանա «Մերսեդես-Բենց» բարձր նորաձեւության շաբաթվա բացումը: Ինչպես հաղորդում Է «Արմենպրես»-ը, ավելի քան 90 հայտնի տարազագործներ եւ նորաձեւության տներ ութ օր կփորձեն որոշել 2012 թվականի աշնան սեզոնի միտումները:
Փորձագետների մեծ մասը կանխատեսում Է, որ առավել մեծ ժողովրդականություն կվայելեն վառ, հագեցած երանգները, ժակքարդի գործվածքները, ինչպես նաեւ գրկիրան պիջակներն ու ժակետները:
Եվս մեկ միտում Է խոստանում դառնալ վերադարձը 1920-ական թվականների նորաձեւությանը:
Փորձագետների խոսքով՝ առաջիկա սեզոնում նախկինի պես նորաձեւ միտումներ կլինեն ունիվերսալությունն ու մինիմալիզմը. շարունակում են զգացվել վերջին տարիների տնտեսական ճգնաժամի հետեւանքները: «Գնորդներն սկսել են շատ ավելի կշռադատված մոտենալ հագուստի ընտրությանը: Նրանք ուշադրություն են դարձնում այն բանի վրա, որ հագուստը լինի ըստ հնարավորին ավելի ունիվերսալ եւ որակյալ»,- պարզաբանում Է «Սաքս Հինգերորդ Ավենյու» ընկերության տնօրեն Քոլին Շերինը:
Բաժանորդագրվեք մեր ալիքին Telegram-ում