Հունահռոմեական ոճի երիտասարդական թիմի մարզիչը մտահոգված է առաջնությանը մասնակցած մարզիկների թվով
1 րոպեի ընթերցում
![Հունահռոմեական ոճի երիտասարդական թիմի մարզիչը մտահոգված է առաջնությանը մասնակցած մարզիկների թվով](http://armenpress.am/resized/480/static/news/b/2020/08/1024901.jpg)
ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ: Հայաստանի հունահռոմեական ոճի երիտասարդական ընտրանու գլխավոր մարզիչ Արմեն Բաբալարյանը մտահոգիչ է համարում առաջնությանը մասնակցած մարզիկների քանակը:
«Հայաստանի առաջնությունը անցկացրինք պանդեմիայի պայմաններում: Մասնակցում էր շուրջ 65 մարզիկ: Մրցակցություն կար, սակայն մասնակիցների քանակը մտահոգիչ է: Առաջնության հիմնական նպատակը, իհարկե, հավաքական ձևավորելն էր, որը հավաքների կմասնակցի և կնախապատրաստվի դեկտեմբերին կայանալիք ԱԱ-ին, եթե այն չչեղարկեն: Մի քանի օր անց հավաք կսկսենք Ծաղկաձորում: Կտեսնենք, թե պանդեմիայով պայամանավորված, որ մրցաշարերին կկարողանանք մասնակցել: Բարդ իրավիճակ է: Եթե վարակը նահանջի, 2021 թվականը կսկսենք մեր նախկին գրաֆիկով, այսինքն գարնանը Հայաստանի առաջնությունը, այնուհետև հավաքներ, մրցաշարեր ԵԱ, ԱԱ: Տեսնենք, թե ինչ կլինի»,-«Արմենպրես»-ի հաղորդմամբ` Բաբալարյանի խոսքերը փոխանցում է ֆեդերացիայի մամուլի ծառայությունը:
Ավելի վաղ հայտնի էին դարձել առաջնության բոլոր չեմպիոնները` Գառնիկ Հովհաննիսյանը(55կգ),Դավիթ Գոթյանը(60կգ),Հայկ Ասատրյանը(63կգ),Շանթ Խաչատրյանը(67կգ),Աշոտ Կիրակոսյանը(72կգ),Սամվել Գրիգորյանը(77կգ),Կարեն Խաչատրյանը(82կգ):
Պատրաստեց Վարվառա Հայրապետյանը