ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: «Գալակտիկայի պահապանները» (Guardians of the Galaxy, 2014) ֆիլմը շարունակություն Է ունենալու: Այդ մասին, ինչպես տեղեկացնում Է «Արմենպրես»-ը, հայտարարել Է ֆիլմի ռեժիսոր Ջեյմս Հանը, որը նկարահանել Է առաջին կինոնկարը. ֆիլմը հիմնված Է Marvel Comics հրատարակության համանուն կոմիքսի վրա:
«Հաստատված Է «Գալակտիկայի պահապանները» սիքվելի պաշտոնական անվանումը՝ «Գալակտիկայի պահապանները, Հատոր 2» (Guardians of the Galaxy, Vol 2)",-հայտնել Է նա Twitter սոցիալական ցանցի իր միկրոբլոգում:
«Սիքվելի նկարահանումները կսկսվեն Լոնդոնում՝ 2016 թվականի փետրվար-մարտ ամիսներին»,-իր հերթին հայտարարել Է Marvel Studios կինոընկերության նախագահ Քեւին Ֆայգին:
Արդեն որոշվել Է սիքվելի՝ վարձույթ դուրս գալու ամսաթիվը՝ 2017 թվականի մայիսին:
«Գալակտիկայի պահապանները» կինոնկարի արտադրական ծախսերը կազմել են 195,9 մլն դոլար: Ընդսմին ֆիլմը համաշխարհային վարձույթում հավաքել Է 774,2 մլն դոլար, հաղորդել Է ՏԱՍՍ-ը:
Լուսանկարը` AP