2 წუთი კითხვის
ერევნის კარენ დემირჭიანის სახელობის სპორტულ-საკონცერტო კომპლექსში ბიოლოგიური მრავალფეროვნების შესახებ კონვენციის მხარეთა მე-17 კონფერენციის (COP17) ფარგლებში მიმდინარე ლიდერთა სამიტის გახსნის ცერემონია გაიმართა.
„არმენპრესის“ ცნობით, ამის შესახებ ინფორმაციას სომხეთის რესპუბლიკის პრემიერ-მინისტრის აპარატის ინფორმაციისა და საზოგადოებასთან ურთიერთობის სამმართველო ავრცელებს.
თავდაპირველად გაიმართა სამიტში მონაწილე სახელმწიფოთა, მთავრობათა და საერთაშორისო ორგანიზაციათა ხელმძღვანელების დახვედრის ცერემონია. კერძოდ, პრემიერ-მინისტრმა ნიკოლ ფაშინიანმა და რესპუბლიკის პრეზიდენტმა ვაჰაგნ ხაჩატურიანმა დახვედრა მოუწყეს გაეროს გენერალურ მდივანს ანტონიუ გუტერეშს, ყაზახეთის რესპუბლიკის პრეზიდენტს ყასიმ-ჟომართ თოყაევს, ტაჯიკეთის რესპუბლიკის პრეზიდენტს ემომალი რაჰმონს, ყირგიზეთის რესპუბლიკის პრეზიდენტს სადირ ჟაფაროვს, საქართველოს პრემიერ-მინისტრს ირაკლი კობახიძეს, ზანზიბარის ავტონომიის პრეზიდენტს ჰუსეინ ალი მვინიის, ალჟირის სახალხო დემოკრატიული რესპუბლიკის ეროვნული საბჭოს სპიკერს აზუზ ნასრისა და ფრანკოფონიის საერთაშორისო ორგანიზაციის გენერალურ მდივანს ლუიზ მუშიკივაბოს.
სამიტში მონაწილე დელეგაციათა სხვა ხელმძღვანელებს გარემოს დაცვის მინისტრი ჰამბარძუმ მათევოსიანი დახვდა.
ამის შემდეგ გაიმართა ლიდერთა სამიტის გახსნის საზეიმო ცერემონია.