რუბენ რუბინიანმა სომხეთში ესტონეთის ელჩი მიიღო

სომხეთის ეროვნული ასამბლეის თავმჯდომარემ რუბენ რუბინიანმა 14 სექტემბერს სომხეთის რესპუბლიკაში ესტონეთის რესპუბლიკის საგანგებო და უფლებამოსილ ელჩს, მარგ მარდისალუ-კაჰარს უმასპინძლა.

„არმენპრესის“ ცნობით, სომხეთის ეროვნული ასამბლეის მიერ გავრცელებულ განცხადებაში აღნიშნულია, რომ შეხვედრაზე სომხეთსა და ესტონეთს შორის ორმხრივი ურთიერთობების განვითარებას შეეხნენ.

მოსაუბრეებმა მზადყოფნა გამოთქვეს გააგრძელონ თანამშრომლობა ყველა სფეროში, განსაკუთრებული მნიშვნელობა მიანიჭეს რა საპარლამენტთაშორისო კავშირების გააქტიურებას.

რუბენ რუბინიანმა და მარგ მარდისალუ-კაჰარმა აზრები გაცვალეს მთელ რიგ რეგიონულ საკითხებზე.

მხარეები ასევე შეეხნენ სომხეთი-ევროკავშირის დღის წესრიგსა და მის ფარგლებში თანამშრომლობის გაფართოებას.