ვაჰაგნ ხაჩატურიანმა და ტომიო ოკამურამ ევროკავშირის ფარგლებში თანამშრომლობის გაფართოების აუცილებლობას გაუსვეს ხაზი

ჩეხეთის რესპუბლიკაში ოფიციალური ვიზიტის ფარგლებში, სომხეთის რესპუბლიკის პრეზიდენტი ვაჰაგნ ხაჩატურიანი ჩეხეთის დეპუტატთა პალატის თავმჯდომარეს, ტომიო ოკამურასა და დეპუტატთა პალატის ხელმძღვანელობას შეხვდა.

„არმენპრესის“ ცნობით, სომხეთის რესპუბლიკის პრეზიდენტის აპარატიდან იუწყებიან, რომ ტომიო ოკამურამ მიესალმა ვაჰაგნ ხაჩატურიანს და მადლობა გადაუხადა ოფიციალური ვიზიტისა და შეხვედრის შესაძლებლობისთვის. მან ხაზი გაუსვა, რომ სომხეთის პრეზიდენტის ოფიციალური ვიზიტი ახალ იმპულსს შესძენს ორ ქვეყანას შორის ურთიერთობებისა და მეგობრული კავშირების შემდგომ განვითარებას.

ვაჰაგნ ხაჩატურიანმა მადლობა გადაუხადა თბილი მიღებისა და შეფასებისთვის აღნიშნა, რომ სომხეთსა და ჩეხეთს შორის ჩამოყალიბდა მეგობრობასა და ორმხრივ პატივისცემაზე დაფუძნებული ურთიერთობები, რომელთა განვითარებაშიც მნიშვნელოვანი როლი უკავია საპარლამენტო თანამშრომლობას.

შეხვედრის მიმდინარეობისას ყურადღება გამახვილდა საპარლამენტო დიპლომატიის შემდგომ განვითარებაზე, ორ ქვეყანას შორის აქტიური კონტაქტებისა და ორმხრივი ვიზიტების წახალისებაზე. ასევე ხაზი გაესვა საერთაშორისო საპარლამენტო სტრუქტურებისა და ევროკავშირის ფარგლებში ურთიერთქმედების გაფართოების აუცილებლობას.

თანამოსაუბრეებმა განიხილეს სომხეთსა და ჩეხეთს შორის ორმხრივი თანამშრომლობის დღის წესრიგის გაფართოების შესაძლებლობები. ამ კონტექსტში მნიშვნელოვნად შეფასდა თანამშრომლობის გაღრმავება ეკონომიკის, ტურიზმის, მეცნიერების, სპორტისა და ორმხრივი ინტერესის შემცველ სხვა სფეროებში.

სომხეთის პრეზიდენტი და ჩეხეთის დეპუტატთა პალატის თავმჯდომარე ასევე შეეხნენ დემოკრატიული ინსტიტუტების გამყარებისა და მათი დაცვის მნიშვნელობას, ხაზი გაუსვეს დემოკრატიული ღირებულებების, კანონის უზენაესობისა და ადამიანის უფლებათა დაცვის მიმართულებით უწყვეტი თანამშრომლობის საჭიროებას.

შეხვედრაზე მხარეებმა დაადასტურეს მზადყოფნა სომხეთსა და ჩეხეთს შორის მეგობრული ურთიერთობების შემდგომი გაღრმავებისა და თანამშრომლობის ახალი მიმართულებების ჩამოყალიბებისთვის.

შეხვედრის დასასრულს პრეზიდენტმა ვაჰაგნ ხაჩატურიანმა ჩანაწერი გააკეთა პალატის საპატიო სტუმართა წიგნში.