შედგა ნიკოლ ფაშინიანისა და ირაკლი კობახიძის ტელეფონით საუბარი

შედგა სომხეთისა და საქართველოს პრემიერ-მინისტრების, ნიკოლ ფაშინიანისა და ირაკლი კობახიძის ტელეფონით საუბარი.

როგორც „არმენპრესს“ სომხეთის რესპუბლიკის პრემიერ-მინისტრის აპარატიდან აცნობეს, თანამოსაუბრეებმა სომხეთ-საქართველოს სტრატეგიული ურთიერთობების დღის წესრიგსა და სხვადასხვა სფეროში თანამშრომლობის მიმდინარეობასთან დაკავშირებული საკითხები განიხილეს.

ნიკოლ ფაშინიანი შეეხო სომხეთში მიმდინარე წლის ოქტომბერში ბიოლოგიური მრავალფეროვნების შესახებ კონვენციის მხარეთა მე-17 კონფერენციის (COP17) ჩატარებას და ირაკლი კობახიძე სომხეთში მიიწვია COP17-ის ფარგლებში დაგეგმილ ლიდერთა სამიტში მონაწილეობის მისაღებად.

საქართველოს პრემიერ-მინისტრმა მოწვევა სიამოვნებით მიიღო.