1 წუთი კითხვის
სომხეთის საგარეო საქმეთა მინისტრის მოადგილის მოვალეობის შემსრულებელმა მნაცაკან საფარიანმა ინდოეთის რესპუბლიკის თავდაცვის მდივანი რაჯეშ კუმარ სინგჰი მიიღო.
„არმენპრესის“ ცნობით, ამის შესახებ ინფორმაციას სომხეთის საგარეო საქმეთა სამინისტრო ავრცელებს.
ორმხრივად მაღალი შეფასება მიეცა სომხეთ-ინდოეთის დინამიკურად განვითარებად ურთიერთობებს. შეხვედრისას განიხილეს ორ ქვეყანას შორის მზარდ თანამშრომლობასთან დაკავშირებული საკითხების ფართო სპექტრი.
აზრები გაიცვალეს რეგიონულ და საერთაშორისო უსაფრთხოებასთან დაკავშირებულ საკითხებზე. სომხეთის საგარეო საქმეთა მინისტრის მოადგილის მოვალეობის შემსრულებელმა წარადგინა სომხეთის ძალისხმევა, რომელიც სამხრეთ კავკასიაში დამყარებული მშვიდობის შემდგომი ინსტიტუციონალიზაციისკენ არის მიმართული.