2 წუთი კითხვის
პრემიერ-მინისტრის აპარატის უფროსი ლილით მაკუნცი სომხეთში ევროკავშირის პარტნიორობის მისიის ხელმძღვანელს, კოსმინ დინესკუს შეხვდა.
„არმენპრესის“ ცნობით, ამის შესახებ ინფორმაციას სომხეთის რესპუბლიკის პრემიერ-მინისტრის აპარატის ინფორმაციისა და საზოგადოებასთან ურთიერთობის სამმართველო ავრცელებს.
ლილით მაკუნცმა მიესალმა მისიის საქმიანობის დაწყებას და ხაზი გაუსვა ევროკავშირის მხარდაჭერის მნიშვნელობას სომხეთის სახელმწიფო ინსტიტუტების მედეგობის განმტკიცების საქმეში.
შეხვედრაზე განიხილეს მისიის მანდატის ფარგლებში თანამშრომლობის პრიორიტეტები. პრემიერ-მინისტრის აპარატის უფროსმა ხაზი გაუსვა შესაბამისი სახელმწიფო ორგანოების კოორდინირებული ჩართულობისა და მისიის მანდატით გათვალისწინებული მიმართულებებით შესაძლებლობების განვითარების მნიშვნელობას.
მხარეებმა აზრები გაიცვალეს შემდგომი თანამშრომლობის ორგანიზებასა და ეფექტიან კოორდინაციაზე.
2026 წლის 13 ივლისს ევროპულმა საბჭომ უსაფრთხოებისა და თავდაცვის პოლიტიკის (CSDP) ფარგლებში სომხეთში ახალი პარტნიორობის მისიის დაწყებას მისცა სტარტი. ამ საკონსულტაციო სამოქალაქო მისიის მიზანია მხარი დაუჭიროს სომხეთის ხელისუფლებას ჰიბრიდული საფრთხეების მიმართ ქვეყნის მედეგობის გაუმჯობესებასა და უსაფრთხოების ცვალებად გამოწვევებთან გამკლავების შესაძლებლობების ამაღლებაში.