ვაშინგტონში სომხეთისა და აზერბაიჯანის საგარეო საქმეთა მინისტრების მოადგილეებისა და აშშ-ის სახელმწიფო მდივნის მოადგილის სამმხრივი შეხვედრა გაიმართა

ვაშინგტონის მშვიდობის სამიტის პირველ წლისთავთან დაკავშირებით, ვაშინგტონში სომხეთის საგარეო საქმეთა მინისტრის მოადგილის მოვალეობის შემსრულებლის ვაჰან კოსტანიანის, აზერბაიჯანის საგარეო საქმეთა მინისტრის მოადგილის ელნურ მამედოვისა და აშშ-ის სახელმწიფო მდივნის მოადგილის პოლიტიკურ საკითხებში, ელისონ ჰუკერის შეხვედრა გაიმართა.

„არმენპრესის“ ცნობით, ამის შესახებ ინფორმაციას სომხეთის საგარეო საქმეთა სამინისტრო ავრცელებს.

ვაჰან კოსტანიანმა მაღალი შეფასება მისცა აშშ-ის პრეზიდენტ დონალდ ტრამპის პირად წვლილს როგორც გასულ წელს გამართული სამიტის ჩატარების, ისე მიმდინარე წლის განმავლობაში სომხეთსა და აზერბაიჯანს შორის მშვიდობის ინსტიტუციონალიზაციის კონტექსტში.

შეხვედრისას მხარეებმა აზრები გაცვალეს უკვე დაფიქსირებულ დადებით მოვლენებზე, რეგიონულ ინფრასტრუქტურულ პროგრამებსა და ნდობის განმტკიცების ღონისძიებებთან დაკავშირებით.

ხაზი გაესვა არსებული ჰუმანიტარული პრობლემების მოგვარების მნიშვნელობას.