ფაშინიანმა რუსეთის პრეზიდენტს აცნობა, როდის გახდება შესაძლებელი სომხეთში ევროკავშირში გაწევრიანების საკითხზე რეფერენდუმის ჩატარება
1 წუთი კითხვის
ევროკავშირში გაწევრიანების საკითხზე სომხეთში რეფერენდუმის ჩატარება პრაქტიკულად შესაძლებელია მხოლოდ მას შემდეგ, რაც სომხეთი ევროკავშირს გაწევრიანების შესახებ ოფიციალური განაცხადით მიმართავს და თემა საგნობრივ ხასიათს მიიღებს.
როგორც „არმენპრესი“ იუწყება, ამის შესახებ სომხეთის პრემიერ-მინისტრმა ნიკოლ ფაშინიანმა რუსეთის ფედერაციის პრეზიდენტ ვლადიმერ პუტინთან სატელეფონო საუბრისას განაცხადა.
ევროკავშირში გაწევრიანების საკითხზე სომხეთში რეფერენდუმის ჩატარების შესახებ აღნიშნულია ევრაზიული ეკონომიკური კავშირის ოთხი წევრი ქვეყნის ლიდერების მიერ 29 მაისს მიღებულ ერთობლივ განცხადებაში.