აშშ-ში სომხეთის ელჩი ევროპული პოლიტიკის ანალიზის ცენტრის წარმომადგენლებს შეხვდა

ამერიკის შეერთებულ შტატებში სომხეთის ელჩი ნარეკ მკრტჩიანი ევროპული პოლიტიკის ანალიზის ცენტრის (CEPA) პრეზიდენტსა და გენერალურ აღმასრულებელ დირექტორს ალინა პოლიაკოვასა და ცენტრის ვიცე-პრეზიდენტს ქრისტოფერ უოკერს შეხვდა.

„არმენპრესის“ ცნობით, ამის შესახებ ინფორმაციას აშშ-ში სომხეთის საელჩო ავრცელებს.

შეხვედრისას მხარეებმა ორმხრივ დღის წესრიგს, არსებულ პრიორიტეტებს, რეგიონულ და საერთაშორისო მოვლენებს, ასევე ექსპერტული დიალოგის წახალისებასა და საერთო ინტერესის სფეროებში შესაძლო თანამშრომლობის მიმართულებებს მიძღვნილი საკითხები განიხილეს.