2 წუთი კითხვის
სომხეთის რესპუბლიკის პრემიერ-მინისტრი ნიკოლ ფაშინიანი თეირანში ირანის ისლამური რესპუბლიკის პრეზიდენტ მასუდ პეზეშკიანს შეხვდა.
„არმენპრესის“ ცნობით, რომელიც სომხეთის პრემიერ-მინისტრის აპარატის მიერ გავრცელებულ განცხადებას ეყრდნობა, ნიკოლ ფაშინიანმა კიდევ ერთხელ გამოხატა სამძიმარი იირ-ის უზენაესი ლიდერის, ალი ხამენეის გარდაცვალების გამო და ხაზგასმით აღნიშნა, რომ სომხეთი იზიარებს ირანელი ხალხის მწუხარებას.
პრეზიდენტმა პეზეშკიანმა მადლობა გადაუხადა პრემიერ-მინისტრ ნიკოლ ფაშინიანს ალი ხამენეის გამოსამშვიდობებელ ოფიციალურ ცერემონიაში მონაწილეობის მიზნით თეირანში ჩასვლისთვის. მან აღნიშნა, რომ ირანის ისლამური რესპუბლიკა მაღალ შეფასებას აძლევს ამ რთულ ვითარებაში სომხეთის მთავრობის მიერ დაკავებულ პოზიციასა და გაწეულ ჰუმანიტარულ მხარდაჭერას.
ირანის ისლამური რესპუბლიკის პრეზიდენტმა მასუდ პეზეშკიანმა ნიკოლ ფაშინიანს საპარლამენტო არჩევნებში გამარჯვება მიულოცა და რწმენა გამოთქვა, რომ ორმხრივი ურთიერთობები კვლავაც თანმიმდევრულად განვითარდება და განმტკიცდება.
მხარეებმა აზრები გააზიარეს რეგიონული მნიშვნელობის საკითხებზეც და ხაზი გაუსვეს მშვიდობის, სტაბილურობისა და რეგიონული თანამშრომლობის გაძლიერებისკენ მიმართული ქმედითი ნაბიჯების გადადგმის მნიშვნელობას.
სომხეთის რესპუბლიკის პრემიერ-მინისტრი ირანს 3 ივლისს ეწვია, რათა მონაწილეობა მიეღო იირ-ის გარდაცვლილი უზენაესი ლიდერის, ალი ხამენეის გამოსამშვიდობებელ ოფიციალურ ცერემონიაში.