1 წუთი კითხვის
სომხეთის რესპუბლიკის პარლამენტის თავმჯდომარის მოადგილე რუბენ რუბინიანი გერმანიის ფედერაციული რესპუბლიკის ბუნდესტაგის კრიზისების პრევენციის, სტრატეგიული პროგნოზირების, სტაბილიზაციისა და მშვიდობის ხელშეწყობის ქვეკომიტეტის თავმჯდომარეს, საგარეო ურთიერთობათა კომიტეტის წევრ იოჰანეს ფოლკმანს შეხვდა.
„არმენპრესის“ ცნობით, ამის შესახებ ინფორმაციას სომხეთის ეროვნული ასამბლეის საზოგადოებასთან ურთიერთობისა და კომუნიკაციის დეპარტამენტი ავრცელებს.
რუბენ რუბინიანმა სტუმრებს მიესალმა და ხაზი გაუსვა ევროკავშირთან ურთიერთობების გაღრმავებისკენ სომხეთის მისწრაფებას, რის კონტექსტშიც მაღალი შეფასება მისცა სომხეთ-გერმანიის თანამშრომლობას.
საკანონმდებლო ორგანოს ვიცე-სპიკერმა გერმანული დელეგაციის წევრების კითხვებსაც უპასუხა, რომლებიც საპარლამენტო არჩევნების შედეგებს, სამომავლო გეგმებსა და აქტივობებს ეხებოდა.