ალენ სიმონიანმა რუბენ რუბინიანს ეროვნული ასამბლეის თავმჯდომარეობის კანდიდატად შერჩევა მიულოცა

სომხეთის ეროვნული ასამბლეის თავმჯდომარემ ალენ სიმონიანმა რუბენ რუბინიანს მიულოცა პარტია „სამოქალაქო ხელშეკრულების“ გამგეობის მიერ მე-9 მოწვევის ეროვნული ასამბლეის თავმჯდომარეობის კანდიდატად შერჩევა.

„არმენპრესის“ ცნობით, ალენ სიმონიანმა ამის შესახებ „ფეისბუქის“ საკუთარ გვერდზე დაწერა.

„ვულოცავ ჩემს კოლეგას, რუბენ რუბინიანს, პარტია „სამოქალაქო ხელშეკრულების“ გამგეობის მიერ მე-9 მოწვევის ეროვნული ასამბლეის თავმჯდომარეობის კანდიდატად შერჩევას. დარწმუნებული ვარ, იგი ღირსეულად გააგრძელებს ჩვენს მიერ ერთად დაწყებულ საქმეს - სომხეთის რესპუბლიკის გულისთვის“, - წერს სიმონიანი.

პარტია „სამოქალაქო ხელშეკრულების“ გამგეობამ 25 ივნისს გამართული ფარული კენჭისყრით ახლად ფორმირებადი პარლამენტის ხელმძღვანელის პოსტზე კანდიდატად ეროვნული ასამბლეის ვიცე-სპიკერი, სომხეთ-თურქეთის მოწესრიგების პროცესში სომխეთის წარმომადგენელი რუბენ რუბინიანი შეარჩია. კანდიდატებს შორის ასევე იყვნენ ეროვნული ასამბლეის მოქმედი თავმჯდომარე ალენ სიმონიანი და ფრაქცია „სამოქალაქო ხელშეკრულების “ ლიდერი ჰაიკ კონჯორიანი.