1 წუთი კითხვის
სომხეთის რესპუბლიკის საგარეო საქმეთა მინისტრმა არარატ მირზოიანმა სატელეფონო საუბარი გამართა ლატვიის საგარეო საქმეთა მინისტრ ბაიბა ბრაჟესთან.
„არმენპრესის“ ცნობით, ამის შესახებ ინფორმაციას სომხეთის რესპუბლიკის საგარეო საქმეთა სამინისტრო ავრცელებს.
ბაიბა ბრაჟემ მინისტრ მირზოიანს საპარლამენტო არჩევნებში პარტია „სამოქალაქო შეთანხმების“ გამარჯვება მიულოცა და სომხეთსა და ლატვიას შორის პარტნიორობის თანმიმდევრული განვითარებისთვის მზადყოფნა კიდევ ერთხელ დაადასტურა.
მხარეებმა სომხეთ-ლატვიის ორმხრივი თანამშრომლობის საკითხები განიხილეს და სავაჭრო ბრუნვის გაფართოების მიმართულებით გადადგმული კონკრეტული ნაბიჯების მნიშვნელობას გაუსვეს ხაზი. ამ კონტექსტში, მინისტრმა მირზოიანმა მადლობა გადაუხადა სომხეთიდან ლატვიაში ყვავილების რამდენიმე პარტიის ექსპორტის მხარდაჭერისთვის, რაც თავის მხრივ ბიძგს მისცემს ორ ქვეყანას შორის ბიზნესწრეების შემდგომ დაახლოებასა და ახალი სავაჭრო მიმართულებების განვითარებას.
მინისტრებმა, ასევე, მიმოიხილეს სომხეთ-ევროკავშირის პარტნიორობის მიმდინარე დღის წესრიგი და სამომავლო კონტაქტები.